మరణించిన తర్వాత ఎక్కడికి వెళ్ళాలో ఏమౌతున్నానో

మరణించిన తర్వాత ఎక్కడికి వెళ్ళాలో ఏమౌతున్నానో తెలియుట లేదు ఎలా వెళ్ళాలో తోచటం లేదు
మరణించిన రూపం నశించిపోతున్నా నా విశ్వ విజ్ఞాన భావాలు పర ధ్యాసతో జగతిలోనే సాగుతున్నాయి
ఉదయించే సూర్యుడు అస్తమిస్తున్నా మరల ఉదయించునట్లు నా విజ్ఞాన భావాలు ఉదయిస్తున్నాయి
ప్రకృతిలో పంచ భూతాలుగా నశించిపోతున్నా మళ్ళీ పంచ భూతాల ప్రకృతిగా నిత్యం చిగురిస్తున్నాను
విశ్వ భావాలకు భవిష్య కాలానికి మరణం లేదు నా గుణ విజ్ఞాన పర వేద తత్వాలకు నిలకడ ఉండదు
తరతరాలకు తరగని ఆలోచనల పరిశోధనలు భావ స్వభావ తత్వాలకు అద్భుతమైన అమర నైపుణ్యములు
అణువుగా ఉదయిస్తున్నా పరమాణువుగా పరిశోధిస్తున్నా విశ్వ భావాల మేధస్సుతో విజ్ఞానాన్ని అన్వేషిస్తున్నా