జీవితం చాలని జీవనం సాగుతున్నదా మనలో

జీవితం చాలని జీవనం సాగుతున్నదా మనలో
వేదం చాలని విజ్ఞానం సాగుతున్నదా మనలో
తెలుసుకో ఒక రూపమై తెలుపుకో ఒక ఆత్మవై   || జీవితం ||

శరీరానికి కదలిక చాలని  
దేహానికి ఆహారం చాలని
ఆలోచనకు విజ్ఞానం చాలని

కాలమే తెలిపేను ఏదైనా కొంతవరకే చాలని   || జీవితం ||

మేధస్సుకు భావనం చాలని
హృదయానికి ప్రసరణ చాలని
వయస్సుకు అనుభవం చాలని

సమయమే తలచేను ఎంతైనా కొంతవరకే చాలని   || జీవితం || 

ఓ కృష్ణా నీవే పరమాత్మవా

ఓ కృష్ణా నీవే పరమాత్మవా
ఓ బ్రంహా నీవే పరంధామవా
ఓ మహేశ్వరా నీవే పరంజ్యోతివా
పర లోకాలకు మీరే పరస్పర బంధువులా  || ఓ కృష్ణా ||

ప్రతి జీవికి ఒక తత్వాన్ని కలిగించే పరమాత్మవు నీవేలే
ప్రతి జీవికి ఒక భావాన్ని కలిగించే పరంధామవు నీవేలే
ప్రతి జీవికి ఒక గుణాన్ని కలిగించే పరంజ్యోతివి నీవేలే

పర తత్వాలతో మా జీవితం సాగుతున్నది ప్రయాసగా
పర భావాలతో మా జీవనం జరుగుతున్నది భారముగా
పర స్వభావాలతో మా కాలం ప్రయాణిస్తున్నది వేదనగా  || ఓ కృష్ణా ||

నిజంగా నీవే ఉంటే సత్యం తెలిసేను మనకు
నీడగా నీవే ఉంటే స్నేహమే తెలిపేను మనకు
ప్రాణంగా నీవే ఉంటే ప్రేమే తెలియును మనకు

ఏ శ్వాసలో ఉన్నావో ఏ ధ్యాసతో ఉన్నావో తెలిసేదెలా
ఏ జీవిలో ఉన్నావో ఏ దేహంతో ఉన్నావో కనిపించేదెలా
ఏ రూపంలో ఉన్నావో ఏ దైవంతో ఉన్నావో గ్రహించేదెలా  || ఓ కృష్ణా || 

ప్రాణం ఉన్నంతవరకే విజయం

ప్రాణం ఉన్నంతవరకే విజయం
జీవం ఉన్నంతలోనే జీవితం
శ్వాస ఉన్నంతలోనే జీవనం
ఊపిరి ఆగేంతవరకే ప్రయాణం
నీవు నేను ఉన్నంతవరకే పరిచయం  || ప్రాణం ||

పరిచయాలతోనే నేస్తం చేసుకుంటేనే బంధం
బంధాలతోనే జీవితం చూసుకుంటూనే ప్రయాణం
ప్రయాణంతోనే జీవనం చెప్పుకుంటూనే అనుభవం
అనుభవాలతో అనురాగం చూపుకుంటూనే విజయం  || ప్రాణం ||

పరిచయాలే పలుకుల కాల గమనం
బంధాలే జీవితాల కార్యక్రమాల గమకం
ప్రయాణమే జీవన విధానాల తరుణం
అనుభవాలే మన ప్రగతి విజయాల చరణం  || ప్రాణం || 

నీలో నేనే వెతికాను నా ప్రేమను

నీలో నేనే వెతికాను నా ప్రేమను
నీతో నేనే జీవించాను పరిచయంతో
నీకు నాకు కలిగే భావమే స్నేహ బంధమైన జీవితం || నీలో నేనే ||

ఒకరికి ఒకరు అర్థమైతే పరమార్థమైనదే ప్రేమ
ఒకరికి ఒకరై కలిసి జీవిస్తే పరిశుద్ధమైనదే జీవితం
ఒకరిలో ఒకరు నిలిచిపోతే నిరంతరం స్నేహ భావమే

కలిసి పోవాలి ఒకరికి ఒకరై తోడు నీడగా జీవించాలని
కలిసే ఉండాలి ఒకరితో ఒకరు పరమార్ధంతో ఎదగాలని
కలిసే నడవాలి జీవితాంతం ప్రయాణంతో సాగిపోవాలని  || నీలో నేనే ||

ఎప్పుడు ఎవరికి ఏమౌతుందో కలవరపడి పోయేను హృదయమే
ఎప్పుడు ఎవరు ఎలా ఉంటారో ఆలోచించాలి అర్థమైన ప్రేమతో
ఎప్పుడు ఎవరు ఎలా ఉన్నా పలకరించాలి మనమే స్నేహంతో

పరిచయాల భావాలతో సాగాలి ప్రశాంతమైన ప్రేమాంతర జీవితం
పలకరింపుల స్వభావాలతో చిగురించాలి నవోదయమైన జీవనం
పలకరింపులతోనే గుర్తించాలి మన హృదయ బంధాల సంబంధం  || నీలో నేనే ||

ఏనాటికి నాలో దాగిన భావాలు శూన్యమైపోయేను

ఏనాటికి నాలో దాగిన భావాలు శూన్యమైపోయేను
ఏనాడు నాలో కలిగే ఆలోచనలు నిలిచిపోయేను
నాలో భావనాలోచనలు ఎంతవరకు సాగిపోయేను  || ఏనాటికి ||

భావనయే ఆలోచనగా నాకు తెలుపుతున్నది అర్థమైన విజ్ఞానం
ఆలోచనగా నాకు తెలుస్తున్నది పరమార్థమైన స్వభావ తత్వం

భావమే శూన్యమైతే ఆలోచనే నిలిచిపోతే మేధస్సులో నిశ్శబ్దం
దేహమే కదలక హృదయమే ఆగిపోతే మరణమే సుఖాంతరం    || ఏనాటికి ||

మేధస్సులో భావనలేని కాల జీవనం మందమతిగా మారే అజ్ఞానం
ఆలోచనలో అర్థంలేని కాల జీవితం మతి స్థిమితం లేని అవివేకం  

భావనతోనే జీవించే జీవుల మేధస్సులలో ప్రతి రోజు కార్య గమనం
ఆలోచనతో జీవించే జీవుల మేధస్సులలో ప్రతి క్షణం కార్య గమకం  || ఏనాటికి ||