ఉదయించే తేజమా నడిపించు నా మార్గాన్ని నీ వెలుగుతో సౌఖ్యంగా

ఉదయించే తేజమా నడిపించు నా మార్గాన్ని నీ వెలుగుతో సౌఖ్యంగా
కదిలే సూర్య కిరణమా చూపించు నా గమ్యాన్ని నీ కాంతితో భాగ్యంగా     || ఉదయించే ||

ప్రతి మార్గం నీవు సూచించే దివిటితోనే నా రహదారి సూటిగా మహా గొప్పతనంగా సాగాలి
ప్రతి ప్రయాణం నీవు తెలిపే దిక్సూచితోనే నా నడక సక్రమంగా మహా ఘనంగా వెళ్ళాలి

ప్రకాశించే ప్రజ్వల జ్యోతిగా విశ్వసించే ఉజ్వల కాంతిగా దివిటివై నా రహదారినే చూపాలి
మెరిసే మహా కిరణంగా తపించే మహోజ్వల వర్ణంగా దిక్సూచివై నా మార్గమునే చూపాలి  || ఉదయించే ||

గమనించే గమనంతోనే ఆలోచించే ఆలోచనలతోనే నా మార్గం గమ్యం ఒకటిగా సాగాలి
సూచించే సూచనతోనే చూపించే చూపులతోనే నా ప్రయాణం స్థానం చేరువగా ఉండాలి

ప్రతి క్షణం నీ కాంతి వెలుగులో ప్రతి సమయం నీ వర్ణ తేజస్సులోనే నేను ప్రయాణిస్తున్నా
ప్రతి భావనం నీ జ్యోతి ప్రకాశంలో ప్రతి తత్వం నీ అగ్ని జ్వాలలలోనే నేను అన్వేషిస్తున్నా  || ఉదయించే || 

దేహం లేని దైవం ఎందుకో

దేహం లేని దైవం ఎందుకో
వేషం లేని ఆవేశం ఎందుకో
దేశం లేని ప్రదేశం ఎందుకో
జీవం లేని సజీవం ఎందుకో
వర్ణం లేని సువర్ణం ఎందుకో
శుభం లేని శోభనం ఎందుకో
జనం లేని భజనం ఎందుకో
జ్ఞానం లేని విజ్ఞానం ఎందుకో
రాగం లేని స్వరాగం ఎందుకో
గీతం లేని సంగీతం ఎందుకో
భోగం లేని సంభోగం ఎందుకో
దానం లేని ప్రదానం ఎందుకో
దాహం లేని దహనం ఎందుకో
చిత్రం లేని విచిత్రం ఎందుకో
భావం లేని స్వభావం ఎందుకో
వేదం లేని వేదాంతం ఎందుకో
భాగ్యం లేని సౌభాగ్యం ఎందుకో
వ్రతం లేని అమృతం ఎందుకో
పూర్ణం లేని సంపూర్ణం ఎందుకో
గంధం లేని సుగంధం ఎందుకో
తంత్రం లేని మంత్రం ఎందుకో
శాస్త్రం లేని శాస్త్రీయం ఎందుకో
ఖండం లేని అఖండం ఎందుకో
మోహం లేని మోహనం ఎందుకో
అందం లేని చందనం ఎందుకో
యోగం లేని సంయోగం ఎందుకో
రాజ్యం లేని సామ్రాజ్యం ఎందుకో
నందనం లేని ఆనందం ఎందుకో
యుగం లేని యుగాంతం ఎందుకో
ఆత్మ లేని పరమాత్మ ఎందుకో ఎవరికో 

సర్వానంద యోగం సర్వేశ్వరా భోగం

సర్వానంద యోగం సర్వేశ్వరా భోగం
సత్యానంద యోగం సత్యాంతర భోగం
నిత్యానంద యోగం నిత్యాంతర భోగం
పరమానంద యోగం పరంధామ భోగం
ఆత్మానంద యోగం అంతర్యామి భోగం
సదానంద యోగం సదాశివానంద భోగం
పరమాత్మానంద యోగం పరతత్వ భోగం
మహాత్మానంద యోగం మహోత్తర భోగం
శాంతానంద యోగం శాంతిస్వరూప భోగం
సచ్చిదానంద యోగం సర్వాంతరంగ భోగం
వైకుంఠానంద యోగం వైభోగ భోగ భాగ్యం