ఏనాటిదో గోదావరి ... ఎక్కడిదో ఈ జల ప్రవాహ నది

ఏనాటిదో గోదావరి ... ఎక్కడిదో ఈ జల ప్రవాహ నది
ఎక్కడి నుండి ఎక్కడికో ఈ ప్రవాహ ప్రయాణ జలధారి
గోవర్ధన గిరి నడుమ వస్తూ ముందుకే సాగేను గంగాధర జల దారి  || ఏనాటిదో ||

అడగాలని అడుగులు వేసినా
పలకాలని పరుగులు తీసినా
మాట్లాడాలని మరలు పంపినా
వెళ్ళాలని వంకలు తిరిగినా
తాకాలని తలుపులు చేరినా  
నిలవాలని నడకలు ఆపినా

పుష్కరాలకై పుణ్య భావాలతో పరుగులే తీస్తున్నది  || ఏనాటిదో ||

అందాలని అలలు ఎగిరినా  
కదలాలని కెరటాలు సాగించినా
దాటాలని దిక్కులు చూసినా
గడవాలని గాలులు వీచినా  
చేరాలని చెఱువులు దాటినా
వదలాలని ఒడ్డులు తెంపినా

శతాబ్దాలుగా పవిత్ర భావాలతో ప్రవహిస్తూ వస్తున్నది  || ఏనాటిదో || 

జీవమే నదిగా సాగేను యదలో ఎందుకో తెలియదులే

జీవమే నదిగా సాగేను యదలో ఎందుకో తెలియదులే
ఉచ్చ్వాస నిచ్చ్వాసలే అలలుగా సాగేను ఓ శ్వాసలో
తీరం చేరే మనస్సు హృదయానికి తెలిసిన వయస్సు
పొంగిపోయే కెరటం ఆలోచనలో ఉన్న ఉప్పెన భావం
నదిగా సాగే జీవితానికి సముద్రమంతటి అనుభవం చాలదులే
మనం ఒదిగే ఉన్నా ఎదురుగా వచ్చే వరదలో ఈదుకుంటూ వెళ్లాలే
విధిగా వచ్చేది ఏదైనా మనకన్నా మహా శక్తివంతమైనదిలే
ఏనాడు ఎవరికి తెలియని అనుభవం కాలమే చూపుతూ తెలిపేనులే
నిర్భయంగా ఉంటూ కాలంతో సాగుతూ విశ్వ ప్రళయాన్ని చూడవోయ్