ఎంతగా నీవు ఎదిగావో అంతగా నీవు ఒదిగావో

ఎంతగా నీవు ఎదిగావో అంతగా నీవు ఒదిగావో
ఎంతగా నీవు నేర్చావో అంతగా నీవు ఓర్చావో

ఎంతగా నీవు ప్రయాణించావో అంతగా నీవు అన్వేషించావో
ఎంతగా నీవు ప్రయత్నించావో అంతగా నీవు అనుభవించావో   || ఎంతగా ||

సూర్యునిచే ఎంత ఎదిగినా ప్రకృతిచే అంతే ఒదిగిపో
ప్రకృతిచే ఎంత ఎదిగినా సూర్యునిచే అంతే ఒదిగిపో

విజ్ఞానంచే ఎంత ఎదిగినా వేదాంతంచే అంతే ఒదిగిపో
వేదాంతంచే ఎంత ఎదిగినా విజ్ఞానంచే అంతే ఒదిగిపో    || ఎంతగా ||

భావాలతో ఎంత ఎదిగినా తత్వాలతో అంతే ఒదిగిపో
తత్వాలతో ఎంత ఎదిగినా భావాలతో అంతే ఒదిగిపో

సత్యంతో ఎంత ఎదిగినా ధర్మంతో అంతే ఒదిగిపో
ధర్మంతో ఎంత ఎదిగినా సత్యంతో అంతే ఒదిగిపో    || ఎంతగా || 

నేను ఎవరో నీవు ఎవరో ఎవరు ఎవరిని ఏమని తలచేది

నేను ఎవరో నీవు ఎవరో ఎవరు ఎవరిని ఏమని తలచేది
నేను ఎవరో నీవు ఎవరో ఎవరికి ఎవరు ఏమని స్మరించేది
నేను ఎవరో నీవు ఎవరో ఎవరితో ఎవరు ఏమని అర్పించేది  || నేను ||

నీవు నేను ఒకటిగా తలచినా కాలంతో ఎవరు స్మరించేది
నీవు నేను ఒకటిగా తపించినా భావంతో ఎవరు వరించేది
నీవు నేను ఒకటిగా తెలిపినా వేదంతో ఎవరు స్వీకరించేది  || నేను ||

నీవే నేనై ఒకటిగా దేహమై స్మరించినా నిత్యం ఎవరు వహించేది
నీవే నేనై ఒకటిగా ధర్మమై వరించినా సత్యం ఎవరు అర్పించేది  
నీవే నేనై ఒకటిగా దైవమై తపించినా సర్వం ఎవరు తిలకించేది  || నేను ||

పురుషోత్తమా ...! పలకవా నీ పలుకులను వినిపించవా

పురుషోత్తమా ...!  పలకవా నీ పలుకులను వినిపించవా
ఏమని పిలిచినా ఎలా పలికినా మనస్సును తపించవా   || పురుషోత్తమా ||

నిత్యం ఉదయం సత్యం సమయం ఎదురుగా నిలిచే స్వరూపం నీదే
ధర్మం వేదం దైవం దేహం ఒకటిగా ఒక్కటై కలిగే భావం బంధం నీదే

రూపముతోనే కాలం సాగినా కార్యములో ఉత్తేజము నీవే కలిగించెదవు
భావంతోనే సమయం మీరినా సమస్యలో పరమార్థం నీవే తెలిపెదవు   || పురుషోత్తమా ||

భక్తులకు నీ పిలుపులతోనే మహానంద దివ్య దర్శనం కలిగించవా
సాధువులకు నీ పలుకులతోనే పరమానంద స్వరూపం చూపించవా

మహాత్ములకు నీలో వెలిగే తేజం నిత్యానందమని వర్ణించవా
మహర్షులకు నీలో కలిగే తత్వం ఆత్మానందమని వివరించవా   || పురుషోత్తమా || 

విశ్వమే శ్వాసగా వేదమే ధ్యాసగా

విశ్వమే శ్వాసగా వేదమే ధ్యాసగా
జగమే జీవంగా విజ్ఞానమే ధ్యానంగా

స్వరమే సత్యంగా రాగమే ధర్మంగా
దైవమే దేహంగా గాత్రమే ప్రాణంగా

మేధస్సులో కలిగే భావాలకు ఆలోచనలో అనుభవాలు
మదిలో కలిగే మోహములకు మనస్సులో మధురములు   || విశ్వమే ||

జీవమై ఏ రూపం ఉన్నా శ్వాసగా ప్రాణం జీవిస్తున్నదే
భావమై ఏ జ్ఞానం ఉన్నా ధ్యాసగా మోహం తపిస్తున్నదే

స్వరములో తపనం ఉన్నా మౌనం మహోన్నతమైనదే
జీవములో అదరం ఉన్నా ప్రాణం అభియోగ్యతమైనదే   || విశ్వమే ||

విజ్ఞానం ఎవరితో ఉన్నా స్వధ్యాసతో సత్యమైనదే
వేదాంతం ఎవరిలో ఉన్నా  ధ్యానంతో నిత్యమైనదే

ధర్మం ఎక్కడ ఉన్నా దైవం అన్వేషిస్తున్నదే
జీవం ఎక్కడ ఉన్నా రూపం ఆవహిస్తున్నదే      || విశ్వమే || 

అద్భుతమో ఆశ్చర్యమో

అద్భుతమో ఆశ్చర్యమో
అనుభవమో అమోఘమో
జీవితానికే మహా గుణపాఠమో
జీవులకే మహా స్వభావత్వమో
కనివిని ఎరుగని విశ్వ విజ్ఞాన చరితమో  || అద్భుతమో ||

ప్రతి నిత్యం మహా అద్భుతమో
ప్రతి సత్యం మహా ఆశ్చర్యమో
ప్రతి రూపం మహా నిర్మాణమో
ప్రతి దేహం మహా సిద్ధాంతమో
అనుభవానికే ప్రతి స్వరూపం మహా దైవాంశమో  || అద్భుతమో ||

ప్రతి భావం మహా స్వభావమో
ప్రతి వేదం మహా సుతత్వమో
ప్రతి దైవం మహా గుణ సతతమో
ప్రతి జీవం మహా శ్వాస తత్వమో
విజ్ఞానానికే ప్రతి స్పర్శత్వం మహా దివ్యాంశమో  || అద్భుతమో ||

కాలమా భావమా తెలియని గమనమా

కాలమా భావమా తెలియని గమనమా
వేదమా జ్ఞానమా తెలియని తరుణమా

మానవ జీవితానికే తెలియని బంధమా
మేధస్సున ఆలోచనకే తెలియని స్వభావమా!   || కాలమా ||

గాలి ఏ వైపు వీచినా కాలం ప్రతి దేశాన సాగెనే
నీరు ఏ వైపు ప్రవహించినా సముద్రాన్ని చేరెనే

సత్యం ఎక్కడ ఉన్నా ధర్మం అక్కడే రక్షింపబడేనని
విజ్ఞానం ఎక్కడ ఉన్నా అభివృద్ధి అక్కడే సాధ్యమని  || కాలమా ||

స్నేహం సంతోషం ఎక్కడ ఉంటే అక్కడే ప్రేమ బంధాలు చిగురించేనని
భావన ఆలోచన స్వభావాలు ఉంటే వేద విజ్ఞాన తత్వాలు ఉదయించేనని

కాలం ఎలా సాగిపోతున్నా తెలియని స్వభావాలు కొత్తగా పరిచయమయ్యేనులే
విజ్ఞానం ఎలా తెలుసుకున్నా తెలియని వేదాల అనుభవాలు వింతగా తోచేనులే  || కాలమా || 

రూపంతో ఎదిగావా ఓ మహాత్మా

రూపంతో ఎదిగావా ఓ మహాత్మా
ఆకారంతో ఒదిగావా ఓ మానవా

నీలోనే ఉన్నది పరమాత్మ ఓ మాధవా
నీలోనే ఉన్నది పరమార్థం ఓ మానవా  || రూపంతో ||

ఏది నీ జీవం ఏది నీ దేహం
ఏది నీ దైవం ఏది నీ ధర్మం
ఏది నీ భావం ఏది నీ తత్వం

ఎన్నెన్నో లోకాలు తిరిగినా ఒకటే జీవిత పరమార్థం
ఎన్నెన్నో జన్మలు పొందినా ఒకటే ఆత్మ విశ్వాసం    || రూపంతో ||

ఏది నీ జ్ఞానం ఏది నీ సత్యం
ఏది నీ వేదం ఏది నీ విజ్ఞానం
ఏది నీ రూపం ఏది నీ ఆకారం

ఎక్కడికి వెళ్ళినా ఏ జీవైనా కోరుకునేది ప్రశాంతమైన జీవితం
ఎక్కడ ఉన్నా ఏ జీవిని అడిగినా కోరేది స్వచ్ఛమైన ఆనందం  || రూపంతో || 

వరసిద్ధి వినాయక వరమియ్యవా

వరసిద్ధి వినాయక వరమియ్యవా
నీ సిద్దులకు విజ్ఞానం ప్రసాదించవా
నీ భక్తులను ప్రయోజనం చేయవా   || వరసిద్ధి ||

నీ విశ్వ విజ్ఞానాన్ని మహిమగా చూపవా
నీ విశ్వ తేజాన్ని మేధస్సుకే కలిగించవా

నీలో దాగిన అనంత భావాలను వర్ణించవా
నీలో నిండిన అమృత తత్వాన్ని తెలుపవా

లోకానికి నీ విజ్ఞానమే శరణం అభయం  
జగతికి నీ ధ్యానమే తపనం తరుణం    || వరసిద్ధి ||

వేదాలనే బోధించి తత్వాలనే అపురూప వర్ణ తేజస్సులతో రుచింపవా
భావాలనే పరిశోధించి స్వభావాలనే అద్వితీయ గుణాలతో మార్చవా

జగతినే ప్రశాంతమైన ప్రకృతి పర్యావరణం చేయవా
లోకాన్నే నిర్మలమైన కాల కార్యాలతో నడిపించవా

దైవం రూపం నీవే ధర్మం
వేదం భావం నీవే సత్యం   || వరసిద్ధి || 

శంకర శివ శంకర ఈశ్వర పరమేశ్వర శంభో శివ శుభంకర

శంకర శివ శంకర ఈశ్వర పరమేశ్వర శంభో శివ శుభంకర
నీకై నేనే నిత్యం జీవించనా నాకై నీవే దీవెనగా ఆశీర్వదించవా
కాలంతో సాగుతూ విశ్వంతో ప్రయాణిస్తూ నీతోనే నేను నడిచెదనూ  || శంకర ||

దేవత్వం నీవే హరా దైవత్వం నీవే శుభంకరా అద్వైత్వం నీవే శివ శంకరా
మహాతత్వం నీవే హరా మహత్యం నీవే శుభంకర మహోత్తరం నీవే శంకరా

సత్యం శివ శంకరా నిత్యం శివ శుభంకరా
భావం నీవే శంకరా బంధం నీవే శుభంకరా
సర్వం నీవే శంకరా స్వరం నీవే శుభంకరా
దేహం శివ శంకరా దైవం శివ శుభంకరా     || శంకర ||

పరమాత్మం నీవే హరా మహాత్మం నీవే శుభంకరా సర్వాత్మం నీవే శివ శంకరా
పరిశుద్ధం నీవే హరా పరిపూర్ణం నీవే శుభంకరా మహా పవిత్రం నీవే శివ శంకరా

జీవం శివ శంకరా నాదం శివ శుభంకరా
వేదం నీవే శంకరా ధర్మం నీవే శుభంకరా
నేస్తం నీవే శంకరా ప్రేమం నీవే శుభంకరా
ఓంకారం శివ శంకరా శుభకరం శివ శుభంకరా    || శంకర || 

ఇది జరిగిన కథగా జ్ఞాపకాలతో తెలుపనా

ఇది జరిగిన కథగా జ్ఞాపకాలతో తెలుపనా
ఇది జరిగే కథగా ఊహాలతో తెలుపుకోనా   || ఇది జరిగిన ||

జరిగినది సత్యమై జ్ఞాపకాలతో మళ్ళీ గుర్తు తెచ్చేనా
జరగబోయేది జరుగునని ఊహాలు మనలో కలిగేనా

కథలుగా సాగే మనలో నిజమైనవి కథలు కాదని జీవితమని తెలిసేనా
కథలుగా తోచే మనలో అసత్యమైన ఊహాల కథలని మనతోనే సాగేనా

నిజాలను కథలుగా అల్లుటలో సత్యం కాస్త కల్పితమై తరిగిపోవునా
కథలను నిజాలుగా సాగించుటలో సాధన కాస్త కాలంతో మారిపోవునా  || ఇది జరిగిన ||

మానవుడే చరిత్ర భావాలను కథలుగా విజ్ఞానాన్ని ఇతరులకు పంచేనా
మానవుడే గ్రంధాల తత్వాలను కథలుగా వేదాన్ని ఎందరికో భోధించేనా

కథల విజ్ఞానంలో దాగిన శాస్త్రీయమైన వివిధ పద్ధతులు పూర్వ జీవన విధానాన్ని తెలిపేనా
కథల అనుభవాలను నాటకాలతో వివిధ ప్రచారణలతో తరతరాల యుగాలకు అందించేనా

కథలే చిన్నారులకు ఎన్నో గుణ పాఠాలుగా పాఠశాలలో తరగతులుగా చెప్పుకుంటూ వచ్చేనా
కథలే భక్తులకు గుణ తత్వాలుగా మఠములలో భోదిస్తూ ఎన్నో మహా అధ్యాయాలను సాగించేనా  || ఇది జరిగిన || 

మరణమా మౌనమా అంతిమ తీర్పు ఏదో చెప్పగలవా

మరణమా మౌనమా అంతిమ తీర్పు ఏదో చెప్పగలవా
మరణమా బంధమా అసలైన తీర్పు ఏదో తెలుపగలవా

మరణంతో సత్యం మౌనమై నిలిచిపోయిందా
మరణంతో చట్టం బంధమై తల్లడిల్లిపోయిందా   || మరణమా ||

న్యాయంతో విచారించి అసలైన తీర్మాణం చేయగలవా
వివరాలను సేకరించి మహా సత్యాన్ని చర్చించగలవా

విచారణ జరిపించగా పరిష్కారాన్ని నిర్ణయించగలవా
పరిశోధనతో సరైన మార్పును శిక్షణగా విధించగలవా

సమావేశంలో అధ్యక్షత వహిస్తూ న్యాయంతో గెలిచి చూపగలవా
సమావేశంతో తప్పొప్పులను చర్చిస్తూ చట్టాన్ని గెలిపించగలవా

ఏ అక్రమాలతో ఎన్ని అడ్డంకులు ఎదురైనా సత్యంతో పోరాడగలవా
ఏ ఆవేదనలతో ఎన్ని వివాదాలు ఎలా జరిగినా ధర్మంతో నిలువగలవా  || మరణమా ||

శాసనాలు సభలో తెలిపినట్లు అర్హులకు శిక్షను కల్పించగలవా
రాజ్యాంగములో ఉన్న న్యాయ నీతి శాస్త్రములతో శిక్షించగలవా

రాజ్య పాలన అధికారంతో న్యాయ శాస్త్రాన్ని మార్చకుండ ఉండగలవా
విమర్శనలు ఎన్నున్నా సరైన దానినే న్యాయాధిపతికి సూచించగలవా

ప్రశంసల ప్రస్తావన సంభాషణములు ఎన్నైనా న్యాయాన్నే నిలుపగలవా
సమాజంలో కలిగే అమానుషమైన పోరాటాలను శాంతంగా ముగించగలవా

న్యాయ స్థానాలు ఎన్నున్నా చట్టాల శాఖలు ఎన్నైనా సత్య ధర్మాన్ని కాపాడగలవా
ప్రమాణాలు ఎన్ని చేసినా శాసనాలు ఎన్నున్నా హితమైన విజ్ఞానాన్ని రక్షించగలవా  || మరణమా || 

ప్రేమా ప్రేమా చెప్పమా నీవైనా ఉన్నావని

ప్రేమా ప్రేమా చెప్పమా నీవైనా ఉన్నావని
ప్రేమా ప్రేమా చెప్పమా నీవైనా ఉంటావని
ప్రేమిస్తూనే ఉంటానమ్మా నీవైనా ఉండాలని  || ప్రేమా ||

ప్రేమైనా సాగాలి లోకంతోనే ఉండిపోవాలి
ప్రేమైనా కలగాలి జగమంతా వ్యాపించాలి
ప్రేమైనా ఎదగాలి విశ్వమంతా సాగిపోవాలి
ప్రేమైనా నిలవాలి సృష్టితోనే జీవించాలి

ప్రేమే మన భావం ప్రేమే మన లోకం
ప్రేమే మన తత్వం ప్రేమే మన జీవం
ప్రేమే మన వేదం ప్రేమే మన గానం
ప్రేమే మన దైవం ప్రేమే మన సత్యం
ప్రేమే మన స్నేహం ప్రేమే మన ప్రాణం  || ప్రేమా ||

ప్రేమే ఒక రూపమై జన్మించేను ప్రతి జీవిలో
ప్రేమే ఒక జీవమై ఉద్భవించేను ప్రతి శ్వాసలో
ప్రేమే ఒక దేహమై ఉదయించేను ప్రతి అణువులో
ప్రేమే ఒక జీవన నాదమై కలిగేను ప్రతి స్వర శృతిలో

ప్రేమే మనలో ఉన్న మహా భావం
ప్రేమే మనలో కలిగే మహా తత్వం
ప్రేమే మనలో ఒదిగే మహా జీవం
ప్రేమే మనలో నిండిన మహా దైవం
ప్రేమే మనలో వచ్చే మహా స్వభావం  || ప్రేమా ||

ఓ కృష్ణా నీవే పరమాత్మవా

ఓ కృష్ణా నీవే పరమాత్మవా
ఓ బ్రంహా నీవే పరంధామవా
ఓ మహేశ్వరా నీవే పరంజ్యోతివా
పర లోకాలకు మీరే పరస్పర బంధువులా  || ఓ కృష్ణా ||

ప్రతి జీవికి ఒక తత్వాన్ని కలిగించే పరమాత్మవు నీవేలే
ప్రతి జీవికి ఒక భావాన్ని కలిగించే పరంధామవు నీవేలే
ప్రతి జీవికి ఒక గుణాన్ని కలిగించే పరంజ్యోతివి నీవేలే

పర తత్వాలతో మా జీవితం సాగుతున్నది ప్రయాసగా
పర భావాలతో మా జీవనం జరుగుతున్నది భారముగా
పర స్వభావాలతో మా కాలం ప్రయాణిస్తున్నది వేదనగా  || ఓ కృష్ణా ||

నిజంగా నీవే ఉంటే సత్యం తెలిసేను మనకు
నీడగా నీవే ఉంటే స్నేహమే తెలిపేను మనకు
ప్రాణంగా నీవే ఉంటే ప్రేమే తెలియును మనకు

ఏ శ్వాసలో ఉన్నావో ఏ ధ్యాసతో ఉన్నావో తెలిసేదెలా
ఏ జీవిలో ఉన్నావో ఏ దేహంతో ఉన్నావో కనిపించేదెలా
ఏ రూపంలో ఉన్నావో ఏ దైవంతో ఉన్నావో గ్రహించేదెలా  || ఓ కృష్ణా || 

నడిచే దారిలో సత్యం లేదు ప్రయాణించే మార్గంలో ధర్మం లేదు

నడిచే దారిలో సత్యం లేదు ప్రయాణించే మార్గంలో ధర్మం లేదు
మరచిపోలేని విజ్ఞానం లేదు మరణించే అజ్ఞానం ఎవరికి లేనే లేదు || నడిచే దారిలో ||

అశాశ్వితంతో అశాంతతను సృష్టించే మానవ జీవితత్వం
ఆశామోహంతో అభివృద్ధిని అణిచే మానవుల జీవనతత్వం

ఎవరికి వారు ఎదుగుతూనే స్వార్థంతో జీవిస్తున్నారు
ఎవరికి వారు ఒకరై తమ కోసమేనని ఆలోచిస్తున్నారు  || నడిచే దారిలో ||

సహాయం లేని చోట స్థానం నిరుపయోగం సలహా ఐనా శూన్యం
ఆదరించని జీవితం అనర్థం అనవసరం జీవనం మహా కఠినం

ప్రయాణం కాలంతో సాగినా అలసిపోయే రోజులతో ఆహారం లేక సొలసినదే దేహం
విజ్ఞానం ఉన్నా ఆచరణ అజ్ఞానమై మరణం వరకు సాగెనే అస్థికములతో మన శరీరం || నడిచే దారిలో || 

స్వాతంత్య్రం వచ్చిందా స్వరాజ్యం ఇచ్చిందా

స్వాతంత్య్రం వచ్చిందా స్వరాజ్యం ఇచ్చిందా
సామ్రాజ్యం ఏర్పడిందా సంతోషం కలిగిందా
సమరం ఆగిందా సత్యం ధర్మం నడిచిందా
శతాబ్దాల పరిపాలన ప్రభుత్వం మారిపోయిందా  || స్వాతంత్య్రం ||

జయమే మనదై దేశమే సగర్వమై నిలిచిందా
ధైర్యమే గర్వించేలా మన దేహమే పోరాడిందా
రణ రంగం ముగిసేలా ఆక్రమణ ఆగిపోయిందా
శత్రుత్వం నశించేలా మిత్ర భావం కలిసిందా

హితమేదో తెలిసిందా స్థానిక బలమెంతో గుర్తించిందా || స్వాతంత్య్రం ||

ఎవరికి వారు స్వేఛ్ఛా జీవితాన్ని ఆరంభించారా
ఎవరికి ఎవరో మనకు బంధాన్ని కలిగించారా
ఎవరున్నా లేకున్నా మన జీవనాన్ని సాగించారా
ఎవరో వచ్చి పోయినా మన కుటుంబాన్నే మిగిలించారా

మనదే దేశం మనదే లోకం మనమే ముందుకు సాగేదం
మనలో చైతన్యం మనమే సమూహం మనతోనే సాహసం || స్వాతంత్య్రం || 

ఒక వైపే ఉన్నావా మహాత్మ

ఒక వైపే ఉన్నావా మహాత్మ
ఒక చోటనే ఉంటావా పరమాత్మ
ఒకరితోనే ఉండి పోతావా మహా ఆత్మ  || ఒక వైపే ||

ఎక్కడ వెతికినా కనిపించని నీడవై ఉన్నావా నీలోనే నీవుగా
ఏమని అన్వేషించినా జాడ తెలియని దూరమై పోయావా నీవు
ఎంత కాలం ప్రయాణించినా దర్శనమే లేని ప్రతి రూపమే నీవు

నీలో నీవే జీవించే స్వభావం ఎదిగే ప్రకృతిలోనే ఉన్నదా
నీలోన నీవే దాగే జీవం ప్రతి జీవి శ్వాసలోనే ఉంటుందా
నీలో నీవై నిలిచే తత్త్వం ప్రతి జీవి రూపంలో ఉండేనా     || ఒక వైపే ||

ఎక్కడ ఉన్నా కనిపించని నీ రూపం ఆత్మగా ఉదయిస్తున్నదా
ఎక్కడ నిలిచినా కనిపించే భావంతో మహాత్మవై జీవిస్తున్నావా
ఎక్కడ ఎవరు ఉన్నా వారి దేహంలోనే పరమాత్మవై దాగివున్నావా

ఒక వైపు చూసే లోకం మరోవైపు చూడలేని పరమార్థం నేనే
ఒకే చోట అన్వేషించే విశ్వం అందరిలాగే తెలియని మహత్యం
ఒకరినే ప్రశ్నించే ప్రపంచం మరొకరితో జీవించలేని నిత్య సత్యం || ఒక వైపే ||

నిజమే లేని హృదయం కరిగిపోయే జీవం

నిజమే లేని హృదయం కరిగిపోయే జీవం
సత్యమే లేని తరుణం మరచిపోయే యోగం  || నిజమే ||

శ్వాసే లేని జీవం మరణించిన రూపం
ధ్యాసే లేని ఆకారం ఆగిపోయిన మౌనం

మనస్సే లేని మర్మం మతిలేని జ్ఞాపకం
వయస్సే తెలియని సమయం ఓ లోపం

ధ్యేయం లేని కర్తవ్యం సాహసం లేని అంతం
ధర్మం లేని సత్యం హంసత్వం లేని హితం   || నిజమే ||

విషాదంతో సాగే బంధం విలవిలలాడే తపనం
ఔషధంతో సాగే రోగం కలుషితమైన దేహ కర్మం

బంధాలతో సాగే జీవితం ఎటు వెళ్లినా పరవశం
వేదాలతో సాగే జీవనం ఎటు మారినా వేదాంతం

కాలంతో సాగే సమయం క్షణాలకు చరితం
భావంతో సాగే కార్యం అభివృద్ధికి పరిచయం  || నిజమే || 

ఎవరి రూపము అద్భుతము ఎవరి మేధస్సు ఆశ్చర్యము

ఎవరి రూపము అద్భుతము ఎవరి మేధస్సు ఆశ్చర్యము
ఎవరి భావన అంతర్భావము ఎవరి తత్వము అద్వైత్వము || ఎవరి ||

సూర్యోదయము కన్నా గొప్ప రూపము విశ్వ రూపమా
మహాత్మ జ్ఞానము కన్నా గొప్ప విజ్ఞానము బ్రంహ జ్ఞానమా
పరమాత్మ కన్నా గొప్ప భావన అంతరాత్మమేనా
మహా తత్వము కన్నా గొప్ప భావన మాతృత్వమా   || ఎవరి ||

తల్లి నీవే అద్వైత్వమా తండ్రి నీవే అంతర్భావమా
ఆత్మ నీవే అమోఘమా మహాత్మ నీవే అపురూపమా
జీవం నీవే దైవమా దేహం నీవే దైవత్వమా
సత్యం నీవే నిత్యమా ధర్మం నీవే అనంతమా    || ఎవరి || 

అమ్మా అని పిలిచే పలుకులలోనే ఒక తియ్యని రాగం

అమ్మా అని పిలిచే పలుకులలోనే ఒక తియ్యని రాగం
తల్లీ అని పలికే మాటల పదాలలోనే ఒక తేనీయ స్వరం  || అమ్మా ||

అమ్మా అని పిలిచినా హృదయములో ఒక జీవన నాదం
అమ్మా అని పలికినా మనస్సులో ఒక మమకారపు గీతం

అమ్మగా లాలించే అలనాటి పాటలలో ఒక కమ్మని సంగీతం
అమ్మగా నడిపించే ఆనాటి నడకలలో ఒక నూతన కుసుమం  || అమ్మా ||

అమ్మగా ఎదిగినా అమ్మమ్మగా చూసే ప్రేమలో అనురాగం
అమ్మగా ఒదిగినా అమ్మమ్మతో కలిసే తీరులో అనుబంధం

అమ్మవై అమృతాన్ని పంచే అలనాటి జ్ఞాపకం తెలియని దైవం
అమ్మవై విజ్ఞానాన్ని పంచే ఆనాటి విద్యా గీతమే వేదాంత సత్యం  || అమ్మా ||  

సహాసమే శ్వాసగా సాగిపో యువసేన

సహాసమే శ్వాసగా సాగిపో యువసేన
పోరాటమే ధ్యాసగా నడిచిపో జనసేన
విజయమే మాటగా వెళ్ళిపో మహాసేన  || సహాసమే ||

జయమే నీది రాజ్యమే నీది పోరాటమే నీది
భవిత నీది కాలమే నీది ధైర్య సహాసమే నీది 

విజయంలోనే ఉన్నది అభివృద్ధి జయించుటలోనే ఉన్నది సంవృద్ధి
సంకల్పంలోనే ఉన్నది స్వయంకృషి కర్తవ్యంలోనే ఉన్నది సర్వస్వం 

యువతకు తెలియాలి విజ్ఞానం జనానికి తెలపాలి అనుభవం
సమాజానికి అందించాలి సామర్థ్యం మనిషికి ఉండాలి కర్తవ్యం  || సహాసమే ||

ఒంటరిగా సాగే పోరాటంలోనే కలవాలి అందరి భావాల శాంత హృదయం
సమూహంతో సాగే సహనంలోనే కలగాలి మహోదయ భావాల లక్ష్య గమనం

శ్రమించడంలోనే ఉన్నది శ్రమదానం పని చేయడంలోనే ఉన్నది ప్రతిఫలం
ప్రయాణంలోనే ఉన్నది శ్వాసా స్నేహం మార్గంలోనే ఉన్నది ధ్యాసా గమ్యం 

నిత్యం సత్యం ధర్మం సహజమే భావం బంధం తపనం సమయోచితమే 
కాలం సమయం ప్రయత్నం విజయమే లక్ష్యం ధ్యేయం కర్తవ్యం సమన్వయమే  || సహాసమే ||