ప్రతి క్షణం ఎన్నో జీవులకు అవసరమే

ప్రతి క్షణం ఎన్నో జీవులకు అవసరమే
ఎన్నో క్షణాలు ప్రతి జీవికి అనుభవమే

ప్రతి క్షణం ప్రతి సమయం ప్రతి జీవికి జీవితమే
ప్రతి స్వభావం ప్రతి తత్వం ప్రతి జీవికి జీవనమే  || ప్రతి క్షణం ||

కాలం ప్రతి జీవికి జన్మను ఇచ్చినది
క్షణం ప్రతి జీవికి మరణమే తలచినది
సమయం ప్రతి జీవికి జీవితాన్ని పంచినది

కాలంతో జన్మిస్తూ సమయంతో జీవిస్తూ క్షణాలతో మరణిస్తున్నాము  || ప్రతి క్షణం ||

కాలం ఎదిగే ప్రకృతికి ఎంతో అవసరమే
క్షణం తరిగే ప్రకృతికి ఎంతో అనుభవమే
సమయం ఒదిగే ప్రకృతికి ఎంతో ఆధారమే

కాలంతో ఎదిగినా సమయంతో ఒదిగినా క్షణంతో తరిగేదము  || ప్రతి క్షణం ||