Wednesday, November 13, 2013

విశ్వాన్ని మరిచావా విశ్వ భావాన్ని తలిచావా

విశ్వాన్ని మరిచావా విశ్వ భావాన్ని తలిచావా విశ్వ రూపాన్ని తిలకించావా
విశ్వం ఎంతటిదో మానవుని మహా మేధస్సుతో ఏనాడైనా అంచన వేశావా
విశ్వాన్ని తిలకించు మేధస్సునే మెప్పించు ఆత్మనే అంతరాత్మతో ఎకీభవించూ
విశ్వమున ప్రతి క్షణం అనుభూత తత్వపు అనుభవాలు ఎన్నో నీవే లెక్కించూ

Tuesday, October 29, 2013

ఒకరు మనకు తెలుసు అంటే

ఒకరు మనకు తెలుసు అంటే -
వారి గురుంచి కాస్త మనకు తెలిసి ఉంటుంది
లేదా తెలుసుకోవాలని అనిపిస్తుంది
తెలిసి ఉంటే అనుభవం - తెలుసుకోవాలని ఉంటే విజ్ఞానం
తెలిసినది ఉపయోగపడుతుంది తెలియనిది అవసరమవుతుంది
ఎంత తెలిసినా తెలుసుకోవాలని సాగి పోతుండడమే జీవితం

Thursday, September 12, 2013

మనస్సు మేధస్సుకు ఏం తెలుపుతుందోగాని

మనస్సు మేధస్సుకు ఏం తెలుపుతుందోగాని ఆలోచిస్తేగాని తెలియదు
ఆలోచనతో తెలిసిన దానిని మళ్లి ఏం చేయాలో ఆలోచింప చేస్తుంది
ఆలోచనలతో తెలిశాక అర్థమైతే ఒక కోరికగా లేదా ఆశగా తోస్తుంది
తోచిన దానిని తీర్చుకోవడాని మార్గాన్ని ఆలోచిస్తూ సాగిపోతుంటాము
కొన్ని తీరగలవు మరికొన్ని తీరకుండా మిగిలి పోతుంటాయి
తీరనివాటి కోసం ఆలోచిస్తూ ఎంతో సమయం వృధా చేస్తుంటాము

Thursday, August 1, 2013

భవిష్య ఆలోచన లేని కార్యాన్ని

భవిష్య ఆలోచన లేని కార్యాన్ని కొనసాగించుటలో సమస్య కలుగుతున్నది
కార్యం ముగిసిన తర్వాత సమస్యతో భవిష్య కార్య ఆలోచన తెలుస్తున్నది
కొత్త పాత కార్యాలను వివిధ రకాలుగా కొనసాగించుటలో సమస్యలొస్తుంటాయి
సమస్యలతో సతమతమవుతూనే ఎన్నో కార్యాలు సాగిపోతుంటాయి
సమస్యలతో కొత్త విజ్ఞానాన్ని భవిష్య ప్రజ్ఞానాన్ని అధిగమిస్తూ సాగిపోవాలి

Tuesday, July 30, 2013

విశ్వాన్ని మార్చే శక్తి నాలోనే ఉందని

విశ్వాన్ని మార్చే శక్తి నాలోనే ఉందని మీకు ఎలా తెలుపను
విశ్వ కార్యాలను నడిపించే విధానాలు నాలోనే ఉన్నాయి
రేపటి భవిష్య రీతి నిర్మాణ జీవన ప్రణాళికలు నాతోనే ఉన్నాయి
భవిష్య జీవితం స్వర్గంలా ఉండాలంటే నన్నే కలవాలి
సాధ్యం కాదని అనుకుంటే అజ్ఞాన భవిష్యత్తే సాగుతుంది
ఎన్ని కోట్ల యుగాలు గడిచినా సమాజం అపరిశుభ్రతయే
నాలో ఉన్న విధానం మలినం లేని సమాజ సిద్ధాంతమే
మలినంలేని భవిష్య నిర్మాణం లేకపోతే జీవించడం అనవసరమే
మానవ మేధస్సులో కూడా మలినం ఉంటే ఆలోచన అజ్ఞానమే
మానవ జీవికే భవిష్య విజ్ఞాన ఆలోచన లేకపోతే ఏ జీవికి కలుగును
For reference/Model : Visit Infosys Campus, Mysore - INDIA

Tuesday, July 23, 2013

మరవలేని జీవితాన్ని గమనిస్తూ

మరవలేని జీవితాన్ని గమనిస్తూ మరణిస్తున్నా
మరణించినా నా జీవితాన్ని కొనసాగిస్తున్నా
జీవిస్తూనే నా జీవితం ముగిసిపోతున్నా
మరణిస్తూ నా జీవితాన్ని గమనిస్తున్నా

నేను గమనించే జీవితం విశ్వంతో సాగిపోతూనే ఉంటుంది
నేను మరణించే జీవితం గమనంతో కొనసాగుతూనే ఉంటుంది
జీవించే దేహానికి మరణం ఉందేమోగాని గమనించే నా మేధస్సుకు మరణం లేదు
శరీర కార్యాలు ఆగిపోతున్నా మేధస్సులోని విజ్ఞాన గమనాలు కొనసాగుతూనే

Tuesday, July 16, 2013

మరణిస్తున్నానని తెలిసినా జీవిస్తున్నాను

మరణిస్తున్నానని తెలిసినా జీవిస్తున్నాను ఎందుకో
ఎప్పుడు మరణిస్తానో తెలియనందుకే జీవిస్తున్నానేమో
మరణం ఉన్నా ఎందరో జీవిస్తున్నాము ఎందుకో
ఎందరో జన్మిస్తున్నామని మరణం మనకు ఉందేమో

Saturday, January 19, 2013

ఈ జీవితాన్ని ఎప్పటికీ మరవలేను

ఈ జీవితాన్ని ఎప్పటికీ మరవలేను
మనస్సును ఏ నాటికి ఓర్చుకోలేను
మేధస్సును ఇక నేను మెప్పించలేను
విశ్వాన్ని ఎందుకో నే విడిచిపోలేను