అమ్మవై జీవించవా అమ్మమ్మవై జీవించవా

అమ్మవై జీవించవా అమ్మమ్మవై జీవించవా
తరతరాల యుగాలకు తల్లివై వందేళ్ళు జీవించవా
తల్లిగా నీవే ప్రతి క్షణం మమకారంతో ఆరాటం చెందవా  || అమ్మవై ||

విశ్వ జగతికే నీవు మాతృ మూర్తిగా అవతరించావుగా
లోకానికే నీవు సృష్టి తత్వాన్ని అమ్మగా నింపుకున్నావుగా

నీ సేవకు పర బ్రంహయే కరుణించగా దైవత్వమే ఉప్పొంగేనుగా
నీ ప్రేమకు పరమాత్మయే ఆత్మగా నీలో దర్శించి జన్మించేనుగా

తల్లిగా జన్మనే ఇచ్చి ఎన్నో బంధాలనే ఇచ్చావుగా
మహా తల్లిగా జీవించి ఎన్నో అనురాగాలనే తెలిపావుగా

బంధాలతో సమాజంలో గౌరవాన్ని కల్పించావుగా
సంబంధాలతో కుటుంబంలో బాధ్యతనే చూపావుగా   || అమ్మవై ||

మాతగా నిన్నే కొలిచేలా మహా దైవ శక్తిని పంచావుగా
మహాత్మగా నిన్నే ఆదరించేలా విజ్ఞానాన్ని నేర్పావుగా

మాతృత్వంతో మానవ హృదయాన్ని విశ్వానికే చాటావుగా
మహా భావత్వంతో మానవ దేహాన్ని జగతికే అర్పించావుగా  

ప్రకృతియే నీ పర భావ తత్వమని పరిశోధన కలిగించావుగా
జీవమే నీ పర దేహ స్వరూపమని లోకానికే చూపించావుగా  

ఎప్పటి నుండో అమ్మగా ఒదిగిపోయి అమ్మమ్మగా ఎదిగావుగా
ఎప్పటి నుండో ఎప్పటి వరకో అమ్మగా కాలంతో సాగుతున్నావుగా  || అమ్మవై ||

అమ్మ అంటే హృదయం అందించునే ప్రేమామృతం

అమ్మ అంటే హృదయం అందించునే ప్రేమామృతం
శ్వాస అంటే ప్రాణం కలిగించునే మన తల్లి హృదయం || అమ్మ ||

ఎన్నో తరాల బందుత్వాన్నే సాగించును మన అమ్మే
ఎన్నో యుగాల అనుబంధాన్నే తెలిపేను మన అమ్మే

ఏదో తెలియని జీవితం నడిపించేను మన కోసం
ఏది లేని జీవనం సహనంతో సాగించేను మన కోసం

ఎక్కడికో ఎప్పటి వరకో తెలియని ప్రయాణం తపనంతో సాగే తన ప్రాణం
ఎందుకో ఎవరి కొరకో తెలియని కాల ప్రభావం సాహసంతో వెళ్ళే తన జీవం || అమ్మ ||

మన కోసమే జీవిస్తుంది మన కోసమే ఎదురు చూస్తుంది
మనతోనే ఉంటుంది మనందరి కోసమే శ్రమిస్తుంటుంది

మనమే తమకు లోకం ఏ ఐశ్వర్యం భోగ భాగ్యాలు వద్దనుకుంది
మనమే తన ప్రపంచం ఏ ఆశలు అతిశయాలు అనవసరమంది

మనం పలికించే మాటలతోనే జీవితాన్ని నింపుకుంటుంది
మనం తెలిపే అనుభవాలతోనే జీవనాన్ని అల్లుకుంటుంది || అమ్మ || 

అమ్మ అంటే ప్రాణమని అమ్మ అంటే ఊపిరని

అమ్మ అంటే ప్రాణమని అమ్మ అంటే ఊపిరని
అమ్మ అంటే జీవమని అమ్మ అంటే శ్వాస అని
అమ్మతోనే జన్మించి ఎదిగాము మహా రూపమై     || అమ్మ ||

అమ్మగా లాలించి దీవిస్తుంది
తల్లిగా ఓదార్చి పలికిస్తుంది
మాటలనే నేర్పిస్తూ నడిపిస్తుంది
విజ్ఞానాన్నే భోదిస్తూ మెప్పిస్తుంది

అమ్మయే మహాత్మగా దైవత్వం చూపుతుంది
తల్లియే పరమాత్మగా కరుణామృతం చాటుతుంది  || అమ్మ ||

అమ్మగా స్నేహాన్ని తెలుపుతుంది
తల్లిగా ధైర్యాన్ని ఇచ్చేస్తుంది
రక్షణగా మనతోనే ఉండిపోతుంది
మాతగా మన కోసమే జీవిస్తుంది

అమ్మయే మహర్షిగా వేదాలనే వివరిస్తుంది
తల్లియే దేవర్షిగా అనుభవాలనే కలిగిస్తుంది  || అమ్మ || 

తల్లిగా ప్రేమించే అమ్మవు నీవే

తల్లిగా ప్రేమించే అమ్మవు నీవే
మాతగా లాలించే మహా దేవి నీవే
మానవత్వం కలిపించే కల్పవల్లి నీవే     || తల్లిగా ||

మీలోనే ఒదిగిపోయి ఎదిగాము మహా గొప్పగా
మీతోనే ఉండిపోయి నేర్చాము మహా క్షేత్రంగా

మీయందు ఉంటాము ఎల్లప్పుడు సంతోషంగా
మీ ముందే ఉంటాము ఎప్పటికి ఆనందముగా  || తల్లిగా ||

మా కష్టాలనే ఓదార్చెదవు హాయిగా
మా నష్టాలనే భరించేవు సులువుగా

మా జీవితాలకు రూపమిచ్చేవు మహాత్మగా
మా జీవనాన్నే ఆదుకునేవు మహా తల్లిగా  || తల్లిగా || 

ప్రకృతిలో మొలచినది తల్లి హృదయత్వం

ప్రకృతిలో మొలచినది తల్లి హృదయత్వం
విశ్వమంతా అవతరించినది తల్లి మనస్థత్వం
జగమంతా వ్యాపించినది తల్లి స్వభావ తత్వం  || ప్రకృతిలో ||

ప్రేమామృతమే పంచి ప్రకృతికే మైమరిపించినది
భావామృతమే ఇచ్చి విశ్వాన్ని తిలకింపజేసినది
దైవత్వమే పరచి తన ధర్మాన్ని జగానికి చాటింపజేసింది

తనలోనే తాను జీవిస్తూ తన ప్రతి రూపాన్నే సృష్టిస్తున్నది
తనలోనే తాను ఎదుగుతూ తన స్వభావాన్నే పంచిస్తున్నది
తనలోనే తానూ ఒదుగుతూ తన తత్వాన్నే చూపుతున్నది     || ప్రకృతిలో ||

తల్లిగా జీవించే ప్రతి అమ్మలో దైవమే దాగి ఉన్నది
తల్లిగా లాలించే ప్రతి అమ్మలో భావమే నిండి ఉన్నది
తల్లిగా పోషించే ప్రతి అమ్మలో వేదమే ఒదిగి ఉన్నది

ప్రకృతికే పరమాత్మగా పరమార్థమై ఉన్నది
విశ్వానికే వినయంగా వివేకంతో తెలిపినది
జగతికే విధేయతగా విశాలమై నిలిచింది     || ప్రకృతిలో || 

అమ్మంటే ప్రాణమని తల్లిగా జీవం పోసి ఉచ్చ్వాస నిచ్చ్వాసాలనే ధారపోసే మాతృ మూర్తిగా జగతిలో వెలుగుతున్నది

అమ్మంటే ప్రాణమని తల్లిగా జీవం పోసి ఉచ్చ్వాస నిచ్చ్వాసాలనే ధారపోసే మాతృ మూర్తిగా జగతిలో వెలుగుతున్నది
అమ్మంటే తత్వమని మహాత్మగా ఎదిగే జీవన హృదయంగల మహా సాత్వి స్త్రీ స్వరూపిణి మాతృదేవోభవగా నిలిచినది  || అమ్మంటే ||

అమ్మతో మన జననం జగతికి విజ్ఞాన సోపానం
విశ్వంతో మన ఎదుగుదల లోకానికే సముచితం

అనుబంధం మన దేహానికి జీవ రక్త సంబంధం
అనురాగం మన ఆలోచనకు మహా బంధుత్వం  || అమ్మంటే ||

మాటలతో పలుకు పిలుపులతో పదాల తేనీయం భాషకే మాతృత్వం
వ్యాసాలతో తెలిపే మహానుభావుల వర్ణన కథనం మానవ జాతికే సగర్వం

అమ్మతో జగమంతా మాతృత్వం మహా సంగ్రామ జీవన విధానం
అమ్మతో విశ్వమంతా విజ్ఞానం మహా జీవుల తత్వ వేదాంతరం    || అమ్మంటే ||

అమ్మగా జీవాన్ని పోశావు తల్లిగా నీ రూపాన్ని పెంచావు

అమ్మగా జీవాన్ని పోశావు తల్లిగా నీ రూపాన్ని పెంచావు
విశ్వంతో బంధాన్ని కలిపించి జగతికే పరిచయించావు  || అమ్మగా ||

నీ కోసమే నేను జీవిస్తూ నిత్యం తపిస్తూ జీవనాన్ని సాగిస్తున్నా
కష్టాల నష్టాలు దుఃఖాలుగా ఎన్ని ఎదురైనా వెనుకడుగే లేదే

విజ్ఞానముకై లోకాన్నే సంచరించా అనుభవముకై సందేశాన్ని సేకరించా
జీవన విధానముల సమస్యలతో ఒదిగిపోయి పరిస్థితులతోనే ఓర్చుకున్నా

నేటి జీవన విధానమున సమస్యలు ఎన్నో సరికాని కార్యాలు ఎన్నెన్నో
నేటి కాల జీవితం వృధాగా సాగే శ్రమ శూన్యమయ్యే ఫలితం మరణంలా  || అమ్మగా ||

ఎదగాలని ఉన్నా ఎన్నో పరిస్థితులు అడ్డంకులుగా దరిచేరుతున్నాయి
ఎంత కాలం వేచివున్నా సరైన పరిపాలక వ్యవస్థ రాలేని ధనాశత్వము

మరణం వరకు నాలో విజ్ఞానాన్ని పెంచుకుంటూ చరిత్రకు సూచనగా మిగిలిపోతా
విశ్వమే నిలిచే వరకు నా భావాలతో కాల జ్ఞానంగా జగతికి మార్గదర్శంగా సాగిపోతా

ఉదయించే సూర్యునితోనే నా విజ్ఞానాన్ని ఆకాశానికి మేఘ వర్ణాలతో తెలుపుకుంటాను
అస్తమించే సమయంతోనే నా భావ తత్వాలను సృష్టికి నిర్వచనముగా మిగిలిపోతాను  || అమ్మగా || 

అమ్మా నీ జన్మకు ఏదీ సాటి రాదు నీ ప్రేమకు అంతం లేదు

అమ్మా నీ జన్మకు ఏదీ సాటి రాదు నీ ప్రేమకు అంతం లేదు
అమ్మగా నీవు జన్మించే భావం మరో జన్మనే సృష్టించే తత్వం  || అమ్మా ||

జన్మలనే ఇచ్చే దేవతగా అవతరించావు భూలోక భవ విశ్వంలో
జన్మించి జన్మనిస్తూ ఎన్నో జన్మలనే నీ జీవంతో సృష్టిస్తున్నావు

జగతికే మరో జన్మంటు ఉంటే నీవే మరో జగతిని నీవుగా సృష్టించెదవు
నీలోని స్వభావ తత్వాలే నవ జీవికి ఉదయించే భావాలను కలిపించెదవు

అమ్మగా నీవు పంచే మమకారం కాలంతో ఎదిగే నీ ప్రతి రూప జీవం
అమ్మగా నీవు ఇచ్చే బంధం అభినయమై జీవితాన్ని సాగించే ధర్మం  || అమ్మా ||

జన్మించే జీవులకు కాలంతో విజ్ఞానాన్ని అందిస్తూ అనుభవాన్నే నేర్పుతున్నావు
జన్మతో మరో జీవికి జన్మను ప్రసాదిస్తూ సోదర తత్వాల స్నేహ బంధాన్ని ఇచ్చేవు

మానవులలోనే కాక ప్రతి జీవిలో నీవు అమ్మగా ఎన్నెన్నో జన్మలనే సృష్టిస్తున్నావు
ప్రతి జీవికి అమ్మగా ప్రతి రోజు ఎదుగుదలను ఇస్తూ విశ్వానికి పరిచయిస్తున్నావు

అమ్మంటేనే మహా తత్వం అపురూపమైన భావాలతో లోకాన్ని నడిపించే మహోత్తరం
అమ్మంటేనే మహా జీవం అద్భుతమైన వేద విజ్ఞానాన్ని పరిశోధించే కాల జ్ఞాన నవోత్తరం || అమ్మా ||

అమ్మగా దీవించు అమ్మమ్మగా ఆశీర్వదించు

అమ్మగా దీవించు అమ్మమ్మగా ఆశీర్వదించు
నీ జీవ రూపానికే ధీర్ఘ ఆయుస్సును కలిపించు  || అమ్మగా ||

నా రూపం విశ్వానికే తపనం తపించుటలో నవ జీవనం
నా భావం జగతికే తన్మయం తలచుటలో నవ వసంతం

విజ్ఞానంతో సాగే ఆలోచన మేధస్సులో అన్వేషణగా వీక్షించే
అనుభవంతో సాగే విజ్ఞానం లోకంలో పరిశోధనగా పరీక్షించే

నా జీవిత కాలం ఒక యుగమై సాగగా నే తెలుపుకుంటాను విశ్వ భావాలను
నా జీవన సమయం ఒక శతమై సాగగా తెలుసుకుంటాను ఆత్మ తత్వాలను  || అమ్మగా ||

నీ ఒడిలోనే నేర్చుకున్నా మహాత్ముల వేద స్వభావ తత్వం
నీ నీడలోనే ఓర్చుకున్నా మహర్షుల కఠిన జీవన మనస్తత్వం

తల్లిగా నా హృదయంలో లీనమై దేవతగా వెలిశావు
అమ్మగా నా మేధస్సులో భావమై మహాత్మగా నిలిచావు

ఆయుస్సుతోనే నా జీవితం ఓ చరిత్రగా సాగే గ్రంథం
కాలంతో సాగే నా జీవనం ఓ చరణముగా సాగే గమకం  || అమ్మగా ||

అమ్మగా వచ్చాను ఈ లోకానికి అమ్మమ్మగా ఉన్నాను ఈ జగతికి

అమ్మగా వచ్చాను ఈ లోకానికి అమ్మమ్మగా ఉన్నాను ఈ జగతికి
తల్లిగా ఒదిగాను ఈ భువనానికి మహాత్మగా ఎదిగాను ఈ విశ్వానికి  || అమ్మగా ||

జీవమే శ్వాసగా ప్రాణమే ఊపిరిగా ఉచ్చ్వాస నిచ్చ్వాసాలే ధ్యాసగా సాగేను
ఆత్మయే దైవంగా తత్వమే వేదంగా స్వభావాలే నాలో ఆలోచనగా కలిగేను

జీవత్వములోనే దైవత్వమై నేనుగా జీవిస్తున్నా
ఆత్మ తత్వములోనే మహాత్మనై నాలోనే ఒదిగున్నా

ఏనాటి నా భావ తత్వములు ఈ జగతికి ప్రాణమై కొనసాగేను
ఎప్పటి జీవ బంధములు ఈ లోకానికి ఊపిరిగా సాగిపోయేను  || అమ్మగా ||

మౌనమై ఉన్నాను ఆకాశంతో ధ్యానమై ఉన్నాను ప్రకృతిలో
దేహమై ఉన్నాను శిఖరంతో లీనమై ఉంటాను భవ సృష్టిలో

మరణమైనను నాలో నిలిచే మౌనం శ్వాసే ఆగేపోయే తరుణం
శరీరం క్షీణిస్తూ మట్టిలో కలిసి శూన్యమై కదలిక లేని కణజాలం

జన్మతోనే నేను అవతరిస్తూ మరో జన్మనే ప్రసాదిస్తూ మిగిలిపోయాను
జీవులకై అనుగ్రహిస్తూ జన్మలతోనే ప్రేమామృతత్వమై ఉండిపోయాను  || అమ్మగా || 

అమ్మవో దేవతవో మహాత్ములకే తల్లివో

అమ్మవో దేవతవో మహాత్ములకే తల్లివో
విశ్వానివో జీవానివో ఆత్మలకే తత్వానివో  || అమ్మవో ||

జీవ సృష్టికే స్పందన కలిగే తరుణం నీలో దాగిన మహా మాతృ స్వభావమే
విశ్వ జగతికే మధురం కలిగే సమయం నీలో నిండిన మాతా స్వర తత్వమే

జగతికి మరణమే లేని జీవ సృష్టిలో నీవే మహా అద్భుత మూర్తివో
విశ్వానికే నిలయమైన జీవుల భావ స్వభావాలతో జీవించే ధాతవో   || అమ్మవో ||

ఆత్మ తత్వాలతో జీవం పోసే మహాత్మదేవోభవ నీలోని జీవత్వమే
విశ్వ భావాలతో ఊపిరి నింపే మాతృదేవోభవ నీలోని ప్రేమత్వమే

అమ్మగా ఉదయించే నీ కిరణమే ఆకార రూపాల జీవములు
తల్లిగా ఒదిగిపోయే నీ ఆశయమే ప్రకృతి నిర్మాణ ద్వీపములు  || అమ్మవో || 

అమ్మవు నీవే తల్లివి నీవే

అమ్మవు నీవే తల్లివి నీవే
అమ్మమ్మవు నీవే అమ్మకు అమ్మవు నీవే
నీ ఒడిలో ఒదిగి ఎదిగే అమ్మకు అమ్మమ్మవు నీవే   || అమ్మవు ||

తల్లిగా నీవు సృష్టించే జీవమే జగతిలో కలిగే మహా కార్యము
అమ్మగా నీవు పెంచే ప్రేమే విశ్వానికి కలిగే మహా స్వభావము

ప్రతి అమ్మకు అమ్మగా నీలాగే ప్రతి స్త్రీకి తల్లిలా నీవే మార్గ దర్శకము
ప్రతి అమ్మలో ప్రేమగా నీలాగే ప్రతి అమ్మకు నీవే జీవన మార్గ సూత్రము

అమ్మవై ఉదయించే నీ భావన అమరమైన అమృత అమోఘమే
తల్లివై జీవించే నీ తపన ప్రతి జీవికి కలిగే సౌభాగ్య సుందరమే    || అమ్మవు ||

జన్మనిచ్చే నీ భావనలో ప్రతి స్పందన నీ జీవ బంధమే
అమ్మవై జీవించే నీ వేదనలో ప్రతి క్షణం నీ జీవ గమనమే

ప్రతి ధ్యాస ప్రతి శ్వాస అమ్మగా నీకు కలిగే ప్రత్యూష
ప్రతి ఉచ్చ్వాస నిచ్ఛ్వాస తల్లిగా నీకు కలిగే మెళకువ

అమ్మగా నీవు నడిచే మార్గమే ప్రతి జీవికి విజ్ఞానము
తల్లిగా నీవు చూపించే విశ్వమే ప్రతి జీవికి నిలయము  || అమ్మవు || 

అమ్మగా జగతిలో ఉదయించావు తల్లిగా లోకంలో ఎదిగావు

అమ్మగా జగతిలో ఉదయించావు తల్లిగా లోకంలో ఎదిగావు
మహాత్మగా విశ్వంలో నిలిచావు పరమాత్మగా అవతరించావు  || అమ్మగా ||

జన్మతో జయంతివై జగతికే సర్వాంతరమైనావు
జన్మకే ప్రేమామృతమై జాగృతిగా నిలిచివున్నావు
జన్మకు అన్నపూర్ణవై అమరావతిగా అధిరోహించావు
జన్మతో జగన్మాతవై ఎన్నో యుగాలుగా సాగుతున్నావు

అమ్మగా నీవే ప్రతి హృదయంలో మొలిచావు
అమ్మగా నీవే ప్రతి జీవికి తోడై నీడై నిలిచావు

అమ్మగా తల్లిగా మేమే ప్రతి రోజు దైవంలా నిన్నే కొలిచాము
అమ్మగా తల్లి వేరులా మేమే నీతో వృక్షంలా బంధమై జన్మించాము  || అమ్మగా ||

జన్మతోనే ఆత్మ భావాన్ని హృదయంలో జీవింపజేశావు
జన్మతోనే విశ్వ తత్వాన్ని మేధస్సులో ఆలోచింపజేశావు
జన్మతోనే వేదాంత దైవత్వాన్ని దేహంలో ధరింపజేశావు
జన్మతోనే స్నేహ బంధాన్ని మనస్సులో సృష్టించావు

అమ్మగా అమరమై జగతికే స్త్రీ వై జన్మనిచ్చావు
అమ్మగా శ్వాస ధ్యాసవై జీవితాలనే జయించావు  || అమ్మగా ||

అమ్మ అనే భావన మేధస్సులో జీవిస్తున్నది

అమ్మ అనే భావన మేధస్సులో జీవిస్తున్నది
తల్లీ అనే వేదన హృదయంలో నివశిస్తున్నది  || అమ్మ అనే ||

జన్మించగా శ్వాసలో తొలి భావన అమ్మే అని
జీవించగా జీవంలో తొలి స్పర్శ తల్లియే అని

అమ్మతో జన్మించడం మధురమైన విశ్వ భావన
తల్లితో ఎదగడం మనోహరమైన దివ్య స్పందన

అమ్మతో జీవించడంలో కరుణామయ తన్మయం
అమ్మతో కొనసాగడంలో దయామయ తరుణత్వం  || అమ్మ అనే ||

అమ్మ అనే పిలుపుతో తన హృదయంలో మరో జీవం ఉదయిస్తుంది
అమ్మ అనే పలుకుతో తన మనస్సులో మరో శ్వాసయే ఎదుగుతుంది

అమ్మకు మనమే మరో ప్రాణమై మన సుఖ సంతోషాలనే కోరుకుంటుంది
అమ్మకు మనమే మరో జీవమై మన విజ్ఞాన అనుభవాలనే పంచుకుంటుంది

అమ్మతో మొదలైన జీవితం మరలా మరో జన్మ మరో అమ్మతోనే జననం
అమ్మతో సాగే జీవనం ఎప్పటికి మరవలేని గొప్ప జ్ఞాపకాల భావన వచనం  || అమ్మ అనే || 

అమ్మా అని పిలిచే పలుకులలోనే ఒక తియ్యని రాగం

అమ్మా అని పిలిచే పలుకులలోనే ఒక తియ్యని రాగం
తల్లీ అని పలికే మాటల పదాలలోనే ఒక తేనీయ స్వరం  || అమ్మా ||

అమ్మా అని పిలిచినా హృదయములో ఒక జీవన నాదం
అమ్మా అని పలికినా మనస్సులో ఒక మమకారపు గీతం

అమ్మగా లాలించే అలనాటి పాటలలో ఒక కమ్మని సంగీతం
అమ్మగా నడిపించే ఆనాటి నడకలలో ఒక నూతన కుసుమం  || అమ్మా ||

అమ్మగా ఎదిగినా అమ్మమ్మగా చూసే ప్రేమలో అనురాగం
అమ్మగా ఒదిగినా అమ్మమ్మతో కలిసే తీరులో అనుబంధం

అమ్మవై అమృతాన్ని పంచే అలనాటి జ్ఞాపకం తెలియని దైవం
అమ్మవై విజ్ఞానాన్ని పంచే ఆనాటి విద్యా గీతమే వేదాంత సత్యం  || అమ్మా ||  

అమ్మ అంటే జీవమని మాతృ భావన

అమ్మ అంటే జీవమని మాతృ భావన
తల్లి అంటే దైవమని జగతి తత్వము
విశ్వమంతా జీవమై జగతి మాతృ తత్వమే ఐనది   || అమ్మ అంటే ||

శ్వాసతోనే శ్వాసను సృష్టించే జీవమే అమ్మ
శ్వాసలోన శ్వాసకు ఉచ్చ్వాస నిచ్చ్వాసే అమ్మ

తన ఆత్మ యందే మరో ఆత్మను జత చేర్చుకునే భావనయే అమ్మ
ద్వి ఆత్మల ద్వి జీవముల చతుర శ్వాసయే తల్లి ఉచ్చ్వాస నిచ్ఛ్వాస

రెండు ప్రాణాలతో ఒక మనస్సుతో జీవించే దైవమే అమ్మ
రెండు జీవములతో ఒకే స్వభావంతో జీవించే భావనయే అమ్మ    || అమ్మ అంటే ||

తన జీవము నుండే మరో తన ప్రతి రూపాన్ని ఇచ్చే హృదయమే అమ్మ
తన దేహములోనే మరో దేహాన్ని అన్ని అవయవాలతో సృష్టించేదే అమ్మ

అమ్మ అంటే దైవమని అమ్మమ్మ అంటే మాతృత్వమని కొలిచేదే మాతృదేవోభవ
తల్లి అంటే జీవమని మాత అంటే ఆత్మ పరమాత్మ అని తలిచేదే మహాత్మదేవోభవ

అమ్మతోనే జన్మిస్తూ అమ్మతోనే ఎదుగుతూ అమ్మనే మహా దైవమని గౌరవించాలి
అమ్మతోనే విజ్ఞానం అమ్మతోనే నడవడి నేర్చుకుంటూ అమ్మమ్మనే సత్కరించాలి  || అమ్మ అంటే || 

లాలి లాలి ఓ లాలి నీవే నా పాప లాలి

లాలి లాలి ఓ లాలి నీవే నా పాప లాలి
లాలి లాలి ఓ లాలి నీవే నా పాట లాలి
లాలి లాలి ఓ లాలి నీవే నా/మా అమ్మ లాలి
లాలి లాలి ఓ లాలి నీవే నా జోల లాలి
లాలి లాలి ఓ లాలి నీవే నా జో జో లాలి

జో జో జో జో ఓ లాలి జో జో జో జో నీవే నా పాప లాలి
జో జో జో జో ఓ లాలి జో జో జో జో నీవే నా పాట లాలి
జో జో జో జో ఓ లాలి జో జో జో జో నీవే నా/మా అమ్మ లాలి
జో జో జో జో ఓ లాలి జో జో జో జో నీవే నా జోల లాలి
జో జో జో జో ఓ లాలి జో జో జో జో నీవే నా జో జో లాలి

లాలి లాలి ఓ లాలి.. .. లాలి లాలి ఓ లాలి .. .. లాలి లాలి ఓ లాలి

గుండెలో భావనగా శ్వాసలో జతగా సాగే ప్రేమయే అమ్మ అని

గుండెలో భావనగా శ్వాసలో జతగా సాగే ప్రేమయే అమ్మ అని
అమ్మగా మనకు అడుగులు పలుకులు నేర్పుతూ లాలిస్తుంది
మేధస్సులో ఆలోచన కలిగేలా భావాలతో అర్థాన్ని తెలుపుతుంది
నిద్రలో హాయిని కలిగిస్తూ తను నిత్యం మెలకువతోనే నిద్రిస్తుంది
ఎదిగే వరకు సేవ చేస్తూనే ఎప్పుడూ కరుణామృతాన్ని అందిస్తుంది
హృదయంలో మన హృదయాన్ని మేధస్సులో మన భావనను ఆలోచిస్తూ
శ్వాసలో జీవత్వాన్ని దేహంలో దైవత్వాన్ని కలిగి విధిగా జీవిస్తుంది

హృదయంలో హృదయమై జీవించే ప్రేమ మాతృదేవోభవ

హృదయంలో హృదయమై జీవించే ప్రేమ మాతృదేవోభవ
హృదయంతో హృదయాన్ని సృష్టించేది అమ్మ ప్రేమేయే
హృదయ భావనతో హృదయాన్ని రక్షించేది అమ్మయే
హృదయానికి ఎన్ని గాయాలైనా మన హృదయానికి అమ్మ రక్షణే
హృదయానికి జీవం పోసి శ్వాసను సృష్టించి అందించేది అమ్మయే
హృదయానికి జీవం పోసే మహా దైవ స్వరూపమే మాతృదేవోభవ
తన హృదయం ఉన్నంత వరకు మన హృదయాన్ని దాచుకునేది అమ్మయే
మన హృదయం ఎక్కడున్నా తన హృదయంలో మన జీవ శ్వాస ఆడుతుంటుంది
మన హృదయం ఉన్నంత వరకు తల్లి హృదయాన్ని చూసుకునే బాధ్యత మనదే