కోరిన ఆశకు తీరని వాంఛ

కోరిన ఆశకు తీరని వాంఛ
పలికిన మాటకు తెలియని అర్థం
తెలియని ప్రయాణం చేరని గమ్యం
వండిన ఆహారానికి ఆకలి లేకపోవడం
జరిపిన కార్యానికి సమస్యలు ఎదురవ్వడం
భావం లేని తత్వం శూన్యం లేని నిరాకారం 

జీవం ఒక్కటే శ్వాసలో ఊపిరి ఒక్కటే

జీవం ఒక్కటే శ్వాసలో ఊపిరి ఒక్కటే
ఉచ్చ్వాస నిచ్చ్వాసాల ధ్యాస ఒక్కటే
ప్రతి జీవిలో జీవించే శ్వాస భాష ఒక్కటే  || జీవం ||

దైవంతో సాగే దేహానికి శ్వాస ప్రాణమే
జీవంతో సాగే శరీరానికి ధ్యాస ధ్యానమే

స్వరముతో ఎదిగే శ్వాసకు ఆకలి ఒక్కటే
జ్ఞానంతో పెరిగే మేధస్సుకు భావన ఒక్కటే

ఆలోచనలలో విచక్షణ మాటలలో ఉచ్ఛరణ విజ్ఞానమే
ధ్యాసలో గమనం శ్వాసలో తపనం సద్గుణమైన జ్ఞానమే  || జీవం ||

ఎరుకతో సాగే జీవికి సాధన విజయమే
వచనంతో సాగే ప్రాణికి జ్ఞానం సత్యమే

నిత్యం ధ్యానించే శ్వాసకు ధ్యాస ఎప్పటికి ఒక్కటే
నిరంతరం శ్వాసలో ఉచ్చ్వాస నిచ్చ్వాసాలు ఒక్కటే

సమయానికి కాలానికి కలిగే క్షణం ఒక్కటే
జన్మకు మరణంకు జీవించే జీవం ఒక్కటే   || జీవం || 

కెరటము అలసిపోయినా ఆగని ఆధ్రత మనలో సాగేనా

కెరటము అలసిపోయినా ఆగని ఆధ్రత మనలో సాగేనా
శిఖరము ఎదిగిపోయినా తరగని ఆశ మనలో నిలిచేనా
ఆలయం ఒదిగిపోయినా ఆరని తేజము మనలో వెలిగేనా
వృక్షం నిలిచిపోయినా తలవని ఆకలి మనలో కలిగేనా 

ఆకలితో జీవిస్తున్నావా మేధస్సుతో జీవిస్తున్నావా

ఆకలితో జీవిస్తున్నావా మేధస్సుతో జీవిస్తున్నావా
ఆకలితో ఉన్నప్పుడే ఆహార భావాలను వెతికెదవా
ఆలోచనలు కలిగినప్పుడే భావార్థాన్ని గ్రహించెదవా
ఆలోచనలు కలగాలంటే మేధస్సుకు శక్తి కావాలి
మేధస్సు జీవించేందుకు దేహానికి ఆహారం కావాలి
ఆహారం ఆలోచనలతోనే ప్రతి జీవి జీవితాన్ని సాగించాలి
ఆకలి తీరిన తర్వాతనే ఎన్నో కార్యాలను చేసుకోవాలి
ప్రతి కార్యం విజ్ఞానంగా సాగేందుకే భావార్థం కావాలి
ఓ విశ్వ మానవా! విశ్వమున జీవిస్తూ నా విశ్వ భావనను గ్రహించు మిత్రమా!