ఎక్కడ ఉన్నావో ఎలా ఉన్నావో తెలియని నీ రూపం నాలో చిత్రమై ఉన్నది

ఎక్కడ ఉన్నావో ఎలా ఉన్నావో తెలియని నీ రూపం నాలో చిత్రమై ఉన్నది
ఎప్పుడు వస్తావో ఎలా వస్తావో తెలుపని నీ సమయం నాలో అన్వేషణ ఐనది  || ఎక్కడ ||

ఎవరికి కనిపిస్తావో ఎవరికి వినిపిస్తావో నీలో నీవే ఉండిపోతావో తెలియుట లేదు
ఎవరిలో ఉన్నావో ఎందరిలో ఉన్నావో నీవే నిర్ణయించుకుంటావో తోచటం లేదు

మహా విజ్ఞానులు ఎందరున్నా నీవు ఉండే స్థానం మహా నిలయం
మహాత్ములు ఎక్కడ ఉన్నా నీవు తెలిపే వేదార్థం మహా విజ్ఞానం   || ఎక్కడ ||

కనిపించే నీ రూపం సూర్యోదయమై విశ్వానికి వెలుగునిస్తున్నది
వినిపించే నీ ప్రతి ధ్వని జీవోదయమై దేహానికి మహా ప్రాణమైనది

ఎవరిని తలిచినా నీ నామ ధ్యాన స్వరూపంలోనే మహత్యం దాగున్నది
ఎందరినో దర్శించినా నీ రూప దర్శనం కలగాలని నేత్రం తపిస్తున్నది || ఎక్కడ || 

నా తల్లికి నేనే హృదయం

నా తల్లికి నేనే హృదయం
నా తల్లికి నేనే నేత్రం
నా తల్లికి నేనే రూపం
నా తల్లికి నేనే ఆకారం   || నా తల్లికి ||

నాలోని శ్వాసే తన జీవం
నాలోని ధ్యాసే తన భావం
నాలోని మనస్సే తన మమకారం
నాలోని ఉచ్చ్వాస నిచ్చ్వాసాలే తనకు ప్రాణం

నాలోని ఆత్మకు నీవే ప్రతి రూపం
నీలోని మహాత్మకు నీవే మహా దైవం

నీవే నాలో దాగిన విశ్వం
నీవే నాలో నిండిన లోకం
నీవే నాలో వెలసిన జగతి
నీవే నాలో విరిసిన ప్రకృతి    || నా తల్లికి ||


నా ఊపిరిలో నీవే ఉత్సాహం
నా ఉష్ణములో నీవే ఉత్తేజం
నా దేహములో నీవే స్పందనం

నాలో ఉన్న బంధమే నీ అనుబంధం
నాలో ఉన్న మమతే నీ అనురాగం

నేను నడచిన మార్గమే నీ ప్రయాణం
నేను నిలిచిన స్థానమే నీ గమ్యం
నేను కొలిచిన వేదమే నీ విజ్ఞానం
నేను తలచిన గౌరవమే నీ సత్కారం   || నా తల్లికి || 

నా నేత్రం తాకేను కమల కిరణం

నా నేత్రం తాకేను కమల కిరణం
నా భావం తెలిపేను సూర్య తేజం
నా ఆలోచన చూపించేను దివ్య పుష్పం
నా మేధస్సు తలిచేను మధుర సుగంధం  || నా నేత్రం ||

నాలోనే దాగిన కమల పుష్పం నీకై తలచిన సుగంధం
నాలో నిండిన సూర్య తేజం నీకై వెలసిన ఆశా కిరణం

నాలో నిలిచిన నవ భావం నిన్నే తాకిన గాలి గంధర్వం
నాలో పలికిన స్వర రాగం నీతోనే కలిసిన మౌన వేదం   || నా నేత్రం ||

నీకై నేను ఉదయించాను సూర్య కిరణమై
నీకై నేను వేచివున్నాను మధుర స్వప్నమై

నీ నాభిలో నిలయమై ఉన్నాను ఓ నక్షత్రపు బిందువులా
నీ రూపంలో నిమగ్నమై ఉంటాను ఆకాశ భావ వర్ణములా  || నా నేత్రం || 

అమ్మా! - నీవే నా తొలి జీవం నీవే నా తొలి ప్రాణం

అమ్మా!
నీవే నా తొలి జీవం నీవే నా తొలి ప్రాణం
నీవే నా తొలి శ్వాస నీవే నా తొలి ధ్యాస    || అమ్మా! ||

నీవే నా తొలి రూపం నీవే నా తొలి ఆకారం
నీవే నా తొలి ప్రదేశం నీవే నా తొలి అణువు
నీవే నా తొలి ఉచ్చ్వాస నిచ్ఛ్వాస చలనం
నీవే నా తొలి నేత్రం నీవే నా తొలి రాగ తరంగం
నీవే నా తొలి అవయవం నీవే నా తొలి హృదయం

నీవే నా తొలి స్పర్శ నీవే నా తొలి ఎరుక
నీవే నా తొలి బంధం నీవే నా తొలి భావన
నీవే నా తొలి ఆలోచన నీవే నా తొలి అర్థం
నీవే నా తొలి స్వభావం నీవే నా తొలి తత్వం
నీవే నా తొలి ఆత్మ నీవే నా తొలి అంతరాత్మ  || అమ్మా! ||

నీవే నా జన్మకు ప్రతి రూపం
నీవే నా జీవితానికి ప్రేమామృతం
నీవే నా ఊపిరికై వెలసిన విశ్వ జగతి బ్రహ్మాండం

నీవే నా దైవం నీవే నా సర్వస్వం
నీవే నా విజ్ఞానం నీవే నా అభినయం
నీవే నా మాతృదేవోభవ నీవే నా మహాత్మదేవోభవ
నీవే నాకు మహా అద్భుతం నీవే సృష్టికి జీవ ధాత్రి  || అమ్మా! ||

నీవే నా తొలి వెలుగు నీవే నా తొలి చీకటి
నీవే నా తొలి ఉష్ణం నీవే నా తొలి అలుపు
నీవే నా తొలి పలుకు నీవే నా తొలి పిలుపు
నీవే నా తొలి వణుకు నీవే నా తొలి కునుకు

నీవే నా తొలి స్వప్నం నీవే నా తొలి ఊహ
నీవే నా తొలి స్నేహం నీవే నా తొలి హితం
నీవే నా తొలి జ్ఞాపకం నీవే నా తొలి చిహ్నం
నీవే నా తొలి శ్రేయోభిలాషివి నీవే నా తొలి విధేయతవు  || అమ్మా! ||

నీవే నా తొలి ఆకలి నీవే నా తొలి దాహం
నీవే నా తొలి స్ఫూర్తి నీవే నా తొలి ధైర్యం
నీవే నా తొలి కార్యం నీవే నా తొలి కర్తవ్యం
నీవే నా తొలి ఓర్పు నీవే నా తొలి సహనం
నీవే నా తొలి పరిచయం నీవే నా తొలి పరిశోధన

నీవే నాకు స్పందన నీవే నాకు తరుణం
నీవే నాకు సంతోషం నీవే నాకు ఉత్సాహం
నీవే నాకు ఆనందం నీవే నాకు మహా వరం
నీవే నాకు దివ్యత్వం నీవే నాకు పరిమళం
నీవే నాకు శ్రేష్టం నీవే నాకు పరిశుద్ధ పరిపూర్ణం || అమ్మా! ||