ఈ లోకం ఒక ఆలయం ఈ భువనం ఒక మందిరం

ఈ లోకం ఒక ఆలయం ఈ భువనం ఒక మందిరం
జగమంతా ఓ శరణాలయం విశ్వమే ఓ దేవాలయం
కాలమే ఒక వేదాలయం సమయమే ఓ దైవాలయం  || ఈ లోకం ||

ప్రతి జీవికి తన దేహమే మహోన్నత దేహాలయం
ప్రతి శ్వాసకు తమ ధ్యాసే మహోదయ ఆలయం

ప్రతి రోజు మన లోకం మేధస్సుకే మహా ఆలయం
ప్రతి క్షణం మన విశ్వం ఆలోచనకే మహా మందిరం  

భావాలతో సాగే ప్రతి జీవికి తమ తత్వమే దేహానికి నిలయం
స్వభావాలతో ఎదిగే ప్రతి జీవికి తమ శ్వాసే దేహానికి నివాసం  || ఈ లోకం ||

కాలం తెలిపే అనుభవాల వేదాలకు దేహమే స్వరాలయం
సమయం చూపే కార్య మార్గాలకు సూర్య తేజమే మార్గాలయం

విజ్ఞానంతో ఎదిగే మహా మేధస్సుకు మహోదయ భావాలే క్షేత్రాలయం
వినయంతో సాగే ఆలోచనకు మహోన్నత స్వభావాలే ప్రశాంతాలయం  

ఉత్తేజంతో సాగే మేధస్సులో సూర్య కిరణాల తేజమే కార్యాలకు స్వర్ణాలయం
ఆలోచనలతో సాగే సూక్ష్మ పరిశోధన భావాలకు విజ్ఞాన సోపానాలే తత్వాలయం  || ఈ లోకం ||

వేదంలోనే లీనమైపోయా భావంతోనే నిలిచిపోయా

వేదంలోనే లీనమైపోయా భావంతోనే నిలిచిపోయా
రూపంతోనే ఉండిపోయా వర్ణంలోనే ఒదిగిపోయా
దైవంలోనే ఆగిపోయా తత్వంతోనే మరచిపోయా  
బంధంతోనే సాగిపోయా దేహంతోనే వెళ్ళిపోయా   || వేదంలోనే ||

జీవత్వమైనా దైవత్వమైనా మన దేహంలోని దాగివుంది
అద్వైత్వమైనా పరతత్వమైనా మన జీవంలోని దాగివుంది

వేదత్వమైనా భావత్వమైనా మన మేధస్సులోనే దాగివుంది
గుణత్వమైన వర్ణత్వమైనా మన ఆలోచనలలోనే దాగివుంది  || వేదంలోనే ||

పరతత్వ భావం  రూపం
పరభావ తత్వం పరమాత్మ దేహం

పరరూప వేదం పరజీవ తత్వం
పరదేహ మోహం పరధాత భావం

జీవం నిలయం దేహం ఆలయం
కాలం శాంతం సమయం క్షేత్రం

విశ్వంలోనే వేద సత్యం జగంలోనే వేదాంత ధర్మం
మౌనంలోనే మోహ బంధం శూన్యంలోనే సర్వ శాంతం  || వేదంలోనే ||

ఎక్కడ ఉన్నావో ఎలా ఉన్నావో తెలియని నీ రూపం నాలో చిత్రమై ఉన్నది

ఎక్కడ ఉన్నావో ఎలా ఉన్నావో తెలియని నీ రూపం నాలో చిత్రమై ఉన్నది
ఎప్పుడు వస్తావో ఎలా వస్తావో తెలుపని నీ సమయం నాలో అన్వేషణ ఐనది  || ఎక్కడ ||

ఎవరికి కనిపిస్తావో ఎవరికి వినిపిస్తావో నీలో నీవే ఉండిపోతావో తెలియుట లేదు
ఎవరిలో ఉన్నావో ఎందరిలో ఉన్నావో నీవే నిర్ణయించుకుంటావో తోచటం లేదు

మహా విజ్ఞానులు ఎందరున్నా నీవు ఉండే స్థానం మహా నిలయం
మహాత్ములు ఎక్కడ ఉన్నా నీవు తెలిపే వేదార్థం మహా విజ్ఞానం   || ఎక్కడ ||

కనిపించే నీ రూపం సూర్యోదయమై విశ్వానికి వెలుగునిస్తున్నది
వినిపించే నీ ప్రతి ధ్వని జీవోదయమై దేహానికి మహా ప్రాణమైనది

ఎవరిని తలిచినా నీ నామ ధ్యాన స్వరూపంలోనే మహత్యం దాగున్నది
ఎందరినో దర్శించినా నీ రూప దర్శనం కలగాలని నేత్రం తపిస్తున్నది || ఎక్కడ || 

ఆకాశం సృష్టికి నిలయం

ఆకాశం సృష్టికి నిలయం
ఆకాశం జగతికి సంపూర్ణం
ఆకాశం లోకానికి మందిరం
ఆకాశం మేధస్సుకే ఉత్తేజం
ఆకాశం విశ్వానికి సంయోగం
ఆకాశం మేఘానికి రూప వర్ణం
ఆకాశం సూర్యునికి మహా తేజం
ఆకాశం కిరణానికి దివ్య దర్శనం
ఆకాశం ఇంద్రధనస్సుకే పదిలం