పరధ్యానం పరకార్యం పరధ్యాసతో చేసుకో

పరధ్యానం పరకార్యం పరధ్యాసతో చేసుకో
మహా జ్ఞానం ప్రజ్ఞానం విజ్ఞానంతో తెలుసుకో  || పరధ్యానం ||

పరవేదాన్ని పరజ్ఞానాన్ని పరమాత్మగా చూసుకో
పరతత్వాన్ని పరభావాన్ని పరంధామగా కలుపుకో
పరజీవాన్ని పరరూపాన్ని పరబ్రంహగా తలుచుకో
పరదేహాన్ని పరదైవాన్ని పరంజ్యోతిగా వెలిగించుకో  || పరధ్యానం ||

పరంపరల పరవిశ్వాన్ని పరస్థానంగా నిలుపుకో
పరంపరల పరదేశాన్ని పరధర్మంగా రక్షించుకో
పరంపరల పరలోకాన్ని పరసత్వంగా మలుచుకో
పరంపరల పరకర్మాన్ని పరసత్యంగా సాగించుకో   || పరధ్యానం ||