కాలమా భావమా తెలియని గమనమా

కాలమా భావమా తెలియని గమనమా
వేదమా జ్ఞానమా తెలియని తరుణమా

మానవ జీవితానికే తెలియని బంధమా
మేధస్సున ఆలోచనకే తెలియని స్వభావమా!   || కాలమా ||

గాలి ఏ వైపు వీచినా కాలం ప్రతి దేశాన సాగెనే
నీరు ఏ వైపు ప్రవహించినా సముద్రాన్ని చేరెనే

సత్యం ఎక్కడ ఉన్నా ధర్మం అక్కడే రక్షింపబడేనని
విజ్ఞానం ఎక్కడ ఉన్నా అభివృద్ధి అక్కడే సాధ్యమని  || కాలమా ||

స్నేహం సంతోషం ఎక్కడ ఉంటే అక్కడే ప్రేమ బంధాలు చిగురించేనని
భావన ఆలోచన స్వభావాలు ఉంటే వేద విజ్ఞాన తత్వాలు ఉదయించేనని

కాలం ఎలా సాగిపోతున్నా తెలియని స్వభావాలు కొత్తగా పరిచయమయ్యేనులే
విజ్ఞానం ఎలా తెలుసుకున్నా తెలియని వేదాల అనుభవాలు వింతగా తోచేనులే  || కాలమా || 

ప్రకృతిలో జీవించే పరంధామవు నీవే ప్రభూ

ప్రకృతిలో జీవించే పరంధామవు నీవే ప్రభూ
ప్రకృతిలో జన్మించిన పరంజ్యోతివి నీవే ప్రభూ
ప్రకృతిలో ఎదిగిన ఆత్మ పరమాత్మవు నీవే ప్రభూ  || ప్రకృతిలో ||

ప్రకృతిని అభివృద్ధి చేసే పరతత్వ పరలోక పరజీవి నీవే
ప్రకృతిని రక్షించే పరదేహ పరదైవ పరకాంతి తేజానివి నీవే

ప్రకృతిలో పూచే పుష్పాల సుమగంధాలన్నీ జీవులకు అర్పించేది నీవే
ప్రకృతిలో కాచే ఆహార ధాన్య ఫలములన్నీ జీవులకు సమర్పించేది నీవే   || ప్రకృతిలో ||

ప్రకృతిలోని భావాలన్నీ కాలంతో కలిగింపజేసేది నీవే
ప్రకృతిలోని తత్వాలన్నీ కాలంతో సంభవింపజేసేది నీవే

ప్రకృతిలో కలిగే  ప్రకోపాల ప్రబలత్వాన్ని చాటేది నీవే
ప్రకృతిలో జరిగే ప్రకృత్యాల ప్రమేయత్వాన్ని చూపేది నీవే   || ప్రకృతిలో || 

తప్పుకు శిక్షగా శిక్షలో శిక్షణ లేకపోతే మరెన్నో తప్పులు జరిగిపోవును

తప్పుకు శిక్షగా శిక్షలో శిక్షణ లేకపోతే మరెన్నో తప్పులు జరిగిపోవును
పొరపాటుకు సాధనలో సాధించే సాహసం లేకపోతే మరుపు కలుగును
వృధా చేయుటలో మరొకరికి ఉపయోగం లేకపోతే ఎంతో తరిగిపోవును
విశ్వమున నీవు జీవించుటలో క్షమాపణ తెలుపుటకు అవకాశం ఇవ్వకు
లోకమున నీవు మరణించుటచే ఇతరులకు లెక్క సరిపోయిందని కలిగించు
జగమున నీవు ఎదుగుటలో నేర్చినది ఎంతో కాలం ఉపయోగమని భావించు
సృష్టిలో నీవు ప్రయాణించుటలో సమయం అభివృద్ధికేనని చరిత్రను సేకరించు