ఓ పరమాత్మా ... ! నీవే నా ఆత్మా ... !

ఓ పరమాత్మా ... ! నీవే నా ఆత్మా ... !
ఓ పరంధామా ... ! నీవే నా ధామా ... !

జగతికి నీవే జీవమై విశ్వానికి నీవే శ్వాసవై
లోకానికి నీవే ధ్యాసవై సృష్టికి నీవే ప్రాణమై
ప్రతి జీవి దేహంలో మహా దైవమై నిలిచావు  || ఓ పరమాత్మా ||

ఎదిగే జీవులకు విజ్ఞానం నీవే కల్పించావు
ఒదిగే జనులకు ప్రజ్ఞానం నీవే అందిచావు

మనిషిగా మానవత్వం చాటే వారికి మహాత్మ భావాలే చూపావు
మహాత్మగా మహోన్నత తత్వం చూసే వారికి కరుణే ఇచ్చావు   || ఓ పరమాత్మా ||

మహర్షిగా మారే నీ రూపంలో దైవాన్నే కొలిచావు
దేవర్షిగా మారే నీ దేహంలో ధర్మాన్నే నిలిపావు

మనిషిలోనే మహాత్ముడు ఉన్నాడని మహా తత్వాన్ని నింపావు
మహాత్మలోనే పరమాత్ముడు ఉంటాడని మహా భావాన్ని చాటావు   || ఓ పరమాత్మా || 

ఏది నీ దేశం ఏది మన దేశం

ఏది నీ దేశం ఏది మన దేశం
ఏది మన భావం ఏది మన తత్వం
మనలోనే విశ్వ గీతం మనలోనే జగతి పతాకం
మనమే చైతన్యం మనమే ఐక్యత చిహ్నం ఓ మానవా!  || ఏది నీ దేశం ||

మనిషిగా జీవించు మనస్సుతో జగతినే నడిపించు
మహర్షిగా దీవించు మనస్సుతో విశ్వాన్నే సాగించు

మనలోనే మాధవుడు మనలోనే మహాత్ముడు ఉదయిస్తున్నాడు
మనలోనే పరమాత్మ మనలోనే పరంధామ ఎదుగుతున్నాడు ఓ మానవా!  || ఏది నీ దేశం ||

దేశ దేశాలు తిరిగినా ప్రపంచమంతా విజ్ఞాన అన్వేషణయే
ఎన్ని రోజులు గడిచినా విశ్వమంతా విజ్ఞాన పరిశోధనయే

మనిషిలోనే సద్భావం మనలోనే మానవత్వం
మనిషిలోనే విజ్ఞానం మనలోనే పరిశుద్ధాత్మం ఓ మానవా!  || ఏది నీ దేశం ||

ఆలోచనకే ఆలోచనగా మిగిలావా

ఆలోచనకే ఆలోచనగా మిగిలావా
భావానికే భావనగా మిగిలున్నావా
స్వరానికే స్వరమై ఆగిపోయెదవా
వేదనకే ఆవేదనమై ఆగిపోయావా

మనలో దాగిన భావాలే ఆలోచనలుగా స్వరమై వేదమయ్యేను
మనలో నిండిన స్వప్నాలే ఊహలుగా భావాలనే కలిగించేను  || ఆలోచనకే ||

ఏ జీవి తత్వమో ఏ జీవి రూపమో
ఏ రూప భావమో ఏ తత్వ జీవమో

మనిషిగా ఎదిగే జీవం ఏ స్వభావమో
మనిషిగా ఒదిగే జీవం ఏ వేదాంతమో

మనలో మనమే మనమై జీవిస్తున్నాం
మనలో మనమే మనమై ఆలోచిస్తున్నాం   || ఆలోచనకే ||

ఏనాటి జీవ తత్వమో ఏనాటి జీవ రూపమో
ఎటువంటి రూపత్వమో ఎంతటి జీవత్వమో

మనిషిగా జీవించే స్వభావం మనలో విశ్వాసమే
మనిషిగా ధ్యానించే భావం మనలో ప్రశాంతమే

మనలో మనమే ఏకమై మనమే నివశిస్తున్నాం
మనలో మనమే ఐక్యమై మనమే జ్వలిస్తున్నాం   || ఆలోచనకే ||

మనిషి నాయకుడు అధిపతి మహామంత్రి మహాత్మ పరమాత్మ

మనిషి నాయకుడు అధిపతి మహామంత్రి మహాత్మ పరమాత్మ
మనిషి తన నివాసంతో పాటు తన సమాజాన్ని మార్చాలి
నాయకుడు తన సమాజంతో పాటు తన గ్రామాన్ని మార్చాలి
అధిపతి తన గ్రామంతో పాటు తన రాష్ట్రాన్ని మార్చాలి
మహామంత్రి తన రాష్ట్రంతో పాటు దేశాన్ని మార్చాలి
మహాత్మ తన దేశంతో పాటు ప్రపంచాన్ని మార్చాలి
పరమాత్మ తన ప్రపంచంతో పాటు అంతరిక్ష అనంత లోకాలను మార్చాలి
సామాన్యుడు తనకు తానుగా మనిషిగా ఎదుగుతూ పరమాత్మ కావాలి
ప్రతి ఒక్కరు ప్రతి మనిషికి దేశానికి ప్రపంచానికి మార్గ దర్శకం కావాలి