మహారాజ విశ్వానికి నీవే మహోదయ శుభోదయం

మహారాజ విశ్వానికి నీవే మహోదయ శుభోదయం
యువరాజ జగతికి నీవే నవోదయ సర్వోదయం      || మహారాజ ||

లోకాలకు మహారాజుని పరిపాలన మహోదయ భావాల సంకీర్తనం
సృష్టికి యువరాజుని పరిశోధన నవోదయ భావాల వేద సంభాషణం

మహనీయుల రాజ్యాలలో మహోత్తరమైన భావాల విజ్ఞాన పాండిత్యం
మహానుభావుల సామ్రాజ్యాలలో మహనీయమైన వేద జ్ఞాన వేదాంతం   || మహారాజ ||

సంఘములో ఉన్న సమైక్యమే రాజుల పరిపాలన విశేషణం
సమూహములో ఉన్న ఐక్యమే రారాజులా పరిపూర్ణ విన్యాసం

ఏ రాజ్యంలో మహాత్ములు జీవించినా మన చరిత్రకే నిదర్శనం
ఏ సామ్రాజ్యంలో మహర్షులు జీవించినా లోకాలకే మార్గదర్శకం  || మహారాజ || 

నాట్యం భరత నాట్యం ఆంధ్రుల నటరాజుని కళా నాట్యం

నాట్యం భరత నాట్యం ఆంధ్రుల నటరాజుని కళా నాట్యం
గీతం సంగీతం సరిగమల శుభ గాన స్వర జీవ కళా నాట్యం

వేదం మన వేదం ఆంధ్రుల వేదాంత విజ్ఞాన పాండిత్యం
భావం మన భావం మాతృత్వ మహాత్ముల విశ్వ భావత్వం  || నాట్యం ||

స్వర గాన సంగీత సరిగమల పరిచయమే పదనిసల పరిమళం
నవ గాన నటరాజ భావాలే నాట్య కళా చాతుర్య భరత చరితం

భారతీయుల భారత నాట్యం జగతికి జీవ పోషణ కళా భావం
వేద భావ రూప తత్వం నాట్య కళా భారత సంస్కృతి ప్రదం  || నాట్యం ||

విశ్వ భావాల గీతామృతం స్వర గాన సంగీత స్వరాభిషేకం
నవ భావాల నాట్యామృతం నటరాజుని శృంగార నైవేద్యం

ఆత్మ కళా జ్యోతి రూపం పరమాత్మ తత్వ నాట్య శిఖరం
మాతృ కళా భరితం నాట్య సాగర సంగీత స్వర ఖండం  || నాట్యం || 

బాబా నీవలె ఎవరు అవతరించెదరు

బాబా నీవలె ఎవరు అవతరించెదరు
సాయి నీలాగే ఎవరు ఉదయించెదరు

నీ రూపాన్నే ఇంకెవరు ధరించెదరు
నీ ఆకారాన్నే మరల ఎవరు పొందగలరు
నీ భావ తత్వాలతో ఎవరు జీవించగలరు   || బాబా ||

నీలోని ఆత్మ తత్వం మహాత్మగా నిలిచేను
నీలోని వేద భావం మాతృ తత్వమై సాగేను

నీలోని విజ్ఞానం విశ్వ విజ్ఞాన పాండిత్యం
నీలోని వేదాంతం దివ్య జ్ఞాన సాహిత్యం

నీలోని ఓర్పుకు మహా విశ్వమే నిలయమైనది
నీలోని సహనానికి ప్రకృతియే శాంతించినది  || బాబా ||

నీలో దాగిన కరుణాదయామృతం ఓ మహా తత్వం
నీలో నిండిన మధురామృతం ఓ గొప్ప నిర్వచనం

నీవు సాగే కాలం అజ్ఞానాన్ని తొలగించే అనుభవం
నీవు నడిచే ప్రదేశం ప్రశాంతతను పొందే యోగం

నీవు లేని లోకం అల్లా కల్లోలమై పోతున్నది
నీవు లేక ఈ జగతి అదో రకమై సాగుతున్నది  || బాబా ||