సిరిమల్లె పువ్వా సింధూర పువ్వా సిరి వెన్నెలలో నవ్వవా

సిరిమల్లె పువ్వా సింధూర పువ్వా సిరి వెన్నెలలో నవ్వవా
చామంతి పువ్వా చిన్నారి పువ్వా చిరు గాలితో సిగ్గు పడవా

విరబూసే పువ్వులా విల విలమంటూ నవ్వుతూ పూయవా
కల కలమంటూ గల గలమంటూ సుగంధంతో పూయవా  || సిరిమల్లె ||

పువ్వులా విరబూసే నీ నవ్వులో సుగంధాల సుమధురమే దాగున్నదా
పుష్పంలా వికసించే నీ రంగులో సువర్ణాల మేలిమి వర్ణం దాగున్నదా

మొక్కలలోనే మొగ్గవై ప్రతి రోజూ పూల తోటలో పదిలంగా పూసెదవా
మొక్కలలోనే మక్కువై ప్రేమికులకు నీవే ప్రశాంతతను పంచెదవా   || సిరిమల్లె ||

ప్రతి గాలి శ్వాసలో నీవే పుష్పాల సుగంధమై మనస్సునే దాచెయ్యవా
ప్రతి చోట గాలితో నీవే మధురమైన సుగంధాన్ని శ్వాసకు అందించవా

సిరి జల్లుల తోటి  కురిసే వేళ పూచే నీ లేత సువాసనతో మైమరిపించావా
ప్రాణ వాయువును నీవే సువాసనలతో స్వచ్ఛంగా ప్రతి జీవికి అందించవా  || సిరిమల్లె ||

ఆకాశం సృష్టికి నిలయం

ఆకాశం సృష్టికి నిలయం
ఆకాశం జగతికి సంపూర్ణం
ఆకాశం లోకానికి మందిరం
ఆకాశం మేధస్సుకే ఉత్తేజం
ఆకాశం విశ్వానికి సంయోగం
ఆకాశం మేఘానికి రూప వర్ణం
ఆకాశం సూర్యునికి మహా తేజం
ఆకాశం కిరణానికి దివ్య దర్శనం
ఆకాశం ఇంద్రధనస్సుకే పదిలం