జీవం ఒక్కటే శ్వాసలో ఊపిరి ఒక్కటే

జీవం ఒక్కటే శ్వాసలో ఊపిరి ఒక్కటే
ఉచ్చ్వాస నిచ్చ్వాసాల ధ్యాస ఒక్కటే
ప్రతి జీవిలో జీవించే శ్వాస భాష ఒక్కటే  || జీవం ||

దైవంతో సాగే దేహానికి శ్వాస ప్రాణమే
జీవంతో సాగే శరీరానికి ధ్యాస ధ్యానమే

స్వరముతో ఎదిగే శ్వాసకు ఆకలి ఒక్కటే
జ్ఞానంతో పెరిగే మేధస్సుకు భావన ఒక్కటే

ఆలోచనలలో విచక్షణ మాటలలో ఉచ్ఛరణ విజ్ఞానమే
ధ్యాసలో గమనం శ్వాసలో తపనం సద్గుణమైన జ్ఞానమే  || జీవం ||

ఎరుకతో సాగే జీవికి సాధన విజయమే
వచనంతో సాగే ప్రాణికి జ్ఞానం సత్యమే

నిత్యం ధ్యానించే శ్వాసకు ధ్యాస ఎప్పటికి ఒక్కటే
నిరంతరం శ్వాసలో ఉచ్చ్వాస నిచ్చ్వాసాలు ఒక్కటే

సమయానికి కాలానికి కలిగే క్షణం ఒక్కటే
జన్మకు మరణంకు జీవించే జీవం ఒక్కటే   || జీవం ||