పూజకు వేళాయేను ప్రార్ధన మొదలయ్యేను

పూజకు వేళాయేను ప్రార్థన మొదలయ్యేను
సూర్యోదయముతో మేధస్సే ఉత్తేజమయ్యేను   || పూజకు ||

పుష్పాలన్నీ వికసించేను నా కోసమే
సుమ గంధాలన్నీ వీచేను నా కోసమే
మెరిసే సువర్ణాలన్నీ వెలిగేను నా కోసమే
సువర్ణ కాంతుల వెన్నెల వేచేను నా కోసమే  || పూజకు ||

ప్రతి జీవిలో భావన కలిగేను నా కోసమే
ప్రతి అణువులో తత్వం దాగేను నా కోసమే
ప్రతి ఆత్మలో జీవమే నిండేను నా కోసమే
ప్రతి రూపంలో స్పందన ఒదిగేను నా కోసమే  || పూజకు ||