Tuesday, August 2, 2016

ప్రళయం వచ్చే భావన ఎటువంటిదో దుర్ఘటనగా తోచే ఆలోచన ఏమవుతుందో

ప్రళయం వచ్చే భావన ఎటువంటిదో దుర్ఘటనగా తోచే ఆలోచన ఏమవుతుందో
అపాయంతో ఉపాయం లేక విపత్తుతో విధిగా సాగే మహర్షుల విజ్ఞానం ఎందులకో  || ప్రళయం ||

ఆకాశమంతా మేఘాలై జగమంతా మబ్బులే కనిపిస్తూ ప్రళయాన్ని సూచిస్తున్నది
విశ్వమంతా దద్దరిల్లే ధ్వనులతో మేఘాల గర్జనలు విస్ఫోటనమై సందేహిస్తున్నది  

అనుక్షణం చీకటితో ఎక్కడ ఎవరు లేని విధంగా మహా ప్రళయమే జీవిస్తున్నది
ప్రతి నిమిషం శబ్దాలతో సముద్రాల సంగమం కెరటాలతో ఉరకలు వేస్తున్నది    || ప్రళయం ||

విశ్వమంతా మేఘావృతమై సప్త సముద్రాలు ఏకమై ఆకాశమంతా జలపాతమే
మహా సంగ్రామమై కురిసే మేఘ వర్షం తివాచీలా జగమంతా పారే జలపాతమే

వాగులు వంకలు నదులు సప్త సముద్రాలు ఒకటిగా కలిసే ధారతో జలపాతమే
నేల లేని రూపంతో జలధార కెరటాలుగా ఉప్పొంగి ప్రవహించేలా జలపాతమే   || ప్రళయం || 

No comments:

Post a Comment