Friday, January 19, 2018

ఏనాటిదో రూపం ఏనాటిదో దేహం

ఏనాటిదో రూపం ఏనాటిదో దేహం
సూర్యోదయాన విశ్వ తేజమై ఉదయిస్తున్నది

ఏనాటిదో జీవం ఏనాటిదో దైవం
సూర్యోదయాన దివ్య సువర్ణాలతో జీవిస్తున్నది  || ఏనాటిదో ||

విశ్వ తేజమై కనిపించే రూపం దివ్య వర్ణమై కనిపించే దేహం
దైవ భావమై దేహ తత్వమై వెలుగుతున్నది సౌందర్య జీవం

విశ్వమంతా ఆవహించిన రూపం జగమంతా విస్తరించిన దేహం
ఆకాశమంతా కనిపిస్తూనే లోకమంతా దివ్యానంద సువర్ణాల దర్శనం  || ఏనాటిదో ||

రూపంలోనే ఉంది చలనం దేహంలోనే ఉంది గమనం
జీవంలోనే ఉంది ప్రయాణం దైవంలోనే ఉంది మననం

సూర్య తేజమే ఆ రూపం సూర్య కిరణమే ఆ దేహం
సూర్య ప్రజ్వలమే ఆ జీవం సూర్య ప్రకాశమే ఆ దైవం  || ఏనాటిదో || 

No comments:

Post a Comment