Monday, April 16, 2018

ఏ సమయం అద్భుతం ఏ సమయం ఆనందం

ఏ సమయం అద్భుతం ఏ సమయం ఆనందం
ఏ సమయం ఆశ్చర్యం ఏ సమయం ఆరాటం

కాలంతో సాగే జీవితంలో ఎన్నో అనుభవాలు
సమయంతో సాగే జీవనంలో ఎన్నో అభిరుచులు  || ఏ సమయం ||

సుఖదుఃఖాలన్నీ కలసినట్లుగా లాభనష్టాలన్నీ ఇమిడిపోతాయి
శుభం లాభంలా శ్రీరస్తూ శుభమస్తూ సుకాలంతో కలిసిపోతాయి

శుభ ముహూర్తం శుభ మంగళం మహా కల్యాణంతో జరిగిపోతాయి
సూర్యోదయం సూర్యాస్తమయం చీకటి వెలుగులతో వచ్చిపోతాయి  || ఏ సమయం ||

ఉచ్చ్వాస నిచ్చ్వాసాలు జనన మరణంలా కలిగిపోతాయి
అజ్ఞాన విజ్ఞానాలు వేదాల పాఠాలుగా సాగిపోతాయి

అల్పము అధికములు అసంతృప్తి అతిశయోక్తిలా వెళ్ళిపోతాయి
ఆకాశము ధరణి సృష్టించడం నశించడంతో కొనసాగిపోతాయి     || ఏ సమయం ||

No comments:

Post a Comment