ప్రాణం ఉన్నంతవరకు ఏదైనా కావాలని తెలిపేదే మేధస్సు

ప్రాణం ఉన్నంతవరకు ఏదైనా కావాలని తెలిపేదే మేధస్సు
ఆలోచన ఉన్నంతవరకు ఏ కోరికనైనా కలిగించేదే మనస్సు

మేధస్సులోని ఆలోచన మనస్సులోని కోరిక ఎదిగే వయస్సు
ఆయుస్సులోని వేదన మనస్సులోని మోహన ఒదిగే వయస్సు

కాలమంతా అనంతమైన ఆలోచనలతో సాగే మోహన కోరికల శిరస్సు  || ప్రాణం ||

కోరికల ఆలోచనలతో మనస్సు ఎదుగుతూనే సాగేను వయస్సు
భావాల ఆలోచనలతో వయస్సు ఒదుగుతూనే సాగేను మనస్సు

తత్వాల తపనంతో తన్వయం చేసేదే వలపుల వయస్సు
భావాల తహనంతో తన్మయం చేసేదే మమతల మనస్సు   || ప్రాణం ||

అంతమే లేని ఆలోచనలకు విజయమే లేదు చివరి వరకు అన్నదే తపస్సు
శూన్యమే లేని ఆలోచనలకు విశ్రాంతియే లేదు తుది వరకు అన్నదే తేజస్సు

కాలంతో కలిగే భావాల స్వభావాలను మార్చేను మనలోని వేదాల ఛందస్సు 
సమయంతో వచ్చే తత్వాల తపనాలను దాచేను యదలోని నాదాల సరస్సు   || ప్రాణం ||

ఎప్పటికి చెదరని మనస్సు మోహనాల మననం మేధస్సు 
ఎన్నటికి కుదరని వయస్సు నవ కోరికల గమనం శిరస్సు

అన్వేషణతో సాగే తెలియని వేదాల ఆలోచనల అనంత నాభమే మేధస్సు
సంభాషణతో సాగే తెలుపని జ్ఞానుల ఆలోచనల సర్వాంత చిత్రమే శిరస్సు   || ప్రాణం ||