ఏదో చేయాలి ఎంతో గ్రహించాలి ఏదో జరగాలి ఎందరో మెచ్చాలి

ఏదో చేయాలి ఎంతో గ్రహించాలి ఏదో జరగాలి ఎందరో మెచ్చాలి
ఏదో తెలియాలి ఎంతో తెలపాలి ఎవరైనా రావాలి ఎవరికో అందాలి
ఎవరితో నడవాలి ఎందుకో అడగాలి ఎంతైనా ఏదైనా నేర్చుకోవాలి  
ఎత్తైనా ఎదగాలి ఎక్కడైనా నిలవాలి ఎవరిలోనైనా నిలిచిపోవాలి
ఎంతని ఇవ్వాలి ఏమని చెప్పాలి ఎందరికై వెళ్ళాలి ఎందరికో సాగాలి
ఎప్పుడైనా ఒదగాలి ఎలాగైనా నెగ్గాలి ఏమైనా ఆడుతుండాలి
ఎంతవరకో పోవాలి ఎప్పటివరకో చూడాలి ఎందుకోనైనా చేయాలి
ఎలా ఉండాలి ఏమో అవ్వాలి ఎవరో నడిపించాలి ఎలాంటిదైనా కావాలి
ఏరా పిలవాలి ఏమిటని పలికించాలి ఏమో పొగడాలి ఏవో ఇవ్వాలి
ఎక్కించి ఎక్కాలి ఎక్కిళ్ళతో తీరాలి ఎక్కేస్తూనే మరణించాలి
ఎకరా కావాలి ఏకాంతం కలగాలి ఏకాగ్రతతో కలిసిపోవాలి
ఏమిటో పరిక్షించాలి ఎలక్ట్రాన్ని గుర్తించాలి ఏనాడైనా గమనించాలి
ఏ మాత్రం వేసుకోవాలి ఏ ఏ మంత్రాన్ని జపించాలి ఏహే అంటూ నవ్వాలి