జీవం నీవే దేహం నీవే

జీవం నీవే దేహం నీవే
విశ్వం నీవే వేదం నీవే
సత్యం నీవే దైవం నీవే
జ్ఞానం నీవే ధర్మం నీవే
సర్వం నీవే శాంతం నీవే

సర్వ విధాల అనంత భావం నీవే  || జీవం ||

కరుణించే రూపం దయచూపే తత్వం నీలోనే
వరమిచ్చే భావం స్వర పరిచే బంధం నీలోనే

సత్యాన్ని పలికించే ధర్మాన్ని రక్షించేది నీవేలే
జ్ఞానాన్ని కలిగించే శాంతాన్ని బోధించేది నీవేలే  || జీవం ||

ఆనంద తత్వం అభయ హస్తం నీవేలే
ఆకాశ రూపం నిర్మల స్వరూపం నీవేలే

జీవుల ఆత్మీయం దేహాల పరమాత్మం నీవేలే
దేహాల హృదయం ప్రాణుల పరమార్థం నీవేలే  || జీవం ||