బహుజన వీరా మహాజన సేనా

బహుజన వీరా మహాజన సేనా
జనగణన ధీరా జనజనన శూర ...  

జగానికే అధిపతి యుగానికే ప్రజాపతి
విశ్వానికే ఛత్రపతి లోకానికే మహాపతి   || బహుజన ||

దేశానికే వీరుడివై సమాజానికే విజేయుడవై
లోకానికే అభయమై మహా ధర్మ రక్షకుడివై

విశ్వ విఖ్యాత ప్రతాపము నీ రూపమై  విజయ విజేత పతాకము నీ చిహ్నమై
ప్రపంచ ప్రసిద్ధి గాంచిన ధీరముతో ప్రపంచ ప్రఖ్యాత గావించిన స్థైర్యముతో

కీర్తి ఖ్యాతి గాంచిన మహా ధర్మ రక్షకుడిగా ప్రజాసేన ధైర్యాన్ని గెలిపించావు
శాంతి ప్రశాంతి వెలసిన మహా సాధువుడిగా ప్రజాదరణతో లోకాన్ని శాసించావు  || బహుజన ||

సాహసమే సహనంగా సమయమే సమర్థతగా
ఆయువే ఆయుధముగా ఆలోచనే ఆశ్రయముగా    

రణరంగం మాటలతో శాంతమై వివరణతో పరిశోధనమై
ప్రజల క్షేమమే పరమావధిగా మౌనంతో ఉచ్ఛలనమై

విశ్వ శాంతి భద్రతగా దేశ రక్షణ బాధ్యతగా ప్రజలనే గెలిపించావు
జన కాంతి జ్ఞానంగా జగతినే రక్షణ కవచంగా ధర్మాన్నే మెప్పించావు  || బహుజన ||