గాలిలో ఎన్నో గాలులు

గాలిలో ఎన్నో గాలులు ఉన్నాయని మంత్రాలు చెబుతున్నాయా
మనలోని శ్వాసే గాలి ఐనా ప్రాణ వాయువుగా మరో గాలి అవసరమే
మరో గాలి లానే ఎన్నో గాలులు విశ్వమున ఉన్నాయని తెలుసులే
ఏ గాలి ఐనా మనకు ప్రాణ వాయువుగా సహకరిస్తుందనే నేను
నివసించే ప్రాంతాన్ని బట్టి గాలులలో తేడాలు ఉంటాయనేగా
చెట్ల దగ్గర వేచే గాలి ఆ చెట్ల స్వభావాన్ని తెలుపుతుంది కదా
వివిధ ప్రాంతాలలో వివిధ రకాలుగా గాలులు వీస్తుంటాయిలే
ప్రాంతాలు మురికిగా అశుభ్రతతో ఉంటే చెడు వాసనలతో వీస్తుంటాయి
దుమ్ము చెత్తను లేపే విధంగా కూడా గాలులు వీస్తుంటాయి
ఇలాంటి గాలులే కాక మనిషికి హాని కలిగేంచే గాలులు కూడా ఉంటాయా
మనిషి పరివర్తనలో మార్పు కలిగించే గాలులు ఎన్నో ఉన్నాయా
మనిషిని పీడించే గాలులు ఆత్మతో ఆడుకునేలా ఉంటాయా
మనిషికి మతి పోయేలా పిచ్చి కలిగించే గాలులు కూడా ఉంటాయా
ఏ వైద్యులు నయం చేయలేనంతగా వివిధ రకాల గాలులు ఉంటాయా
ఏ ఆలయాలను మసీదులను దర్శించినా నయంకాని విధంగా ఉంటాయా
మంత్రాలతోనే గాలులను వదిలించేలా ఉంటాయని తెలుస్తున్నాయా
మనిషిలోని శ్వాసనే భ్రమ పెట్టె గాలులు ఉంటాయని తెలుస్తున్నదా
మరోధ్యాసను కలిగించే పిచ్చి గాలులు కూడా ఉంటాయా ఆలోచించండి
కొన్ని సంవత్సరాలుగా పీడించే గాలులు కూడా ఉంటాయా
ఆర్థికంగా అనారోగ్యంగా ప్రాణాలను తోడేసే గాలులు కూడా ఉంటాయే
మనిషి జీవితాలను శక్తి సామర్థ్యాలను మార్చే గాలులు కూడా ఉంటాయేమో
గాలిలో విచిత్ర గాలులు ఎన్ని రకాలుగా ఉంటాయో అర్థం కాదే
మనిషికి మేలు చేసే గాలులు కూడా ఎన్నో ఉంటాయని మరవకండి
ఏ గాలైనా మనలోని గాలియే ముక్తికి దారి అని ధ్యానమున విశ్వాసం
అన్ని దుష్ట గాలులను వదిలించేలా మనమంతా ధ్యానం చేద్దాం
శ్వాస మీద ధ్యాస - ధ్యాసే ధ్యానం - ధ్యానమే ఆత్మజ్ఞానం - ఆధ్యాత్మకం