మహా సమాధులలోగాని

మహా సమాధులలోగాని విగ్రహాలలోగాని దివ్య శక్తి ప్రభావాలుంటే ఏ అర్థాన్ని తెలుపుతున్నారు -
దివ్య స్వరూప మూర్తులుగా దాగిన మీ భావనలు ఎలాంటివి ఎందుకు ప్రత్యేకతను కలిగిఉన్నారు -
నేడు పూజిస్తున్న మానవుల విధానం సరైనదేనా లేదంటే మీరేదైనా తెలుపగలరా ఒక భావనగా -
జీవ హింసతో కూడా పూజిస్తున్న విధానం మీకు సరైనదేనా లేదా మీరు తెలిపిన భావనయేనా -
మీరు ఏ ఆహారాన్నైనా భావనగా భుజించ గలరా లేదా కోరిన కోరికలు తీర్చగలరా -
ఉత్సవాలలో సమర్పించిన ప్రతి మానవుని ఆహారాన్ని భావనగా భుజించ గలరా -
విజ్ఞానముగా తెలుసుకోవాలనే నా భావనను తెలుపుతున్నానేగాని మరే ఆలోచన లేదు -
ప్రతి జీవిలో ఆత్మ విజ్ఞానాన్ని కలిగించేందుకు భావనగా అవతార మూర్తులుగా చలించండి -
మూగ జీవులలో భావనగానైనా మీరు లేరా మీకు ఎలాంటి స్పర్శ భావాలు కలుగుట లేదా -
ఓ ధ్యాన భావనగా తెలుపుతున్నా పరమాత్మ తత్వంతో జీవ హింస, హంస భావమున లేదనే సత్యం -
ఓ దివ్య స్వరూప మూర్తుల్లారా నాదొక మనవి మిమ్మల్ని దర్శించే వారికి ధ్యాన భావమును కలిగించు -
శ్వాసలోనే సర్వ విజ్ఞాన స్వర్గములున్నాయని సత్యాన్ని తెలుసుకోవాలనే నా ధ్యాన భావము -
పూజించుటలో తమ ఆత్మనే శ్వాసతో పూజించుకోవాలని దేనిని సమర్పించరాదనే ఒక ధ్యాన సందేశము -
ఏ రూప మంత్ర శ్లోకములు గుర్తురాని విధంగా నేత్రములను కప్పి చేతులు కలిపి సుఖాసనమున శ్వాసపై ధ్యాసే ధ్యానము -
విశ్వ సత్య విజ్ఞానము తెలుసుకొనుటకు ధ్యానమున ఎరుకతో ఉంటూ సందేశాలను ఆత్మజ్ఞానముతో గ్రహించవలె -
ప్రాపాంచిక ఆధ్యాత్మిక జీవన విధానముతో ఎల్లప్పుడు ఎరుకతోనే విజ్ఞానాన్ని గ్రహించవలేనని సూచన -
నేటి ఆలయములు ధ్యానాలయములుగా జగతిలోని ప్రతి ప్రాంతము శుభ్రతతో ధ్యానాత్మకంగా ఉండవలెనని మహా భావన -
మానవుడు ఒక జీవి కాదని ఆధ్యాత్మిక విశ్వాత్మ అనే భావాన్ని జగతిలో కలిగించేందుకైనా నేనే ప్రతి సమాధి విగ్రహములో -