ఎంత విజ్ఞానం ఉన్నా

ఎంత విజ్ఞానం ఉన్నా రాత్రి వేళ పని చేసే విధాన పరిస్థితి ఎందుకు వచ్చిందో -
ఆరోగ్యం నశిస్తుందని తెలిసిన లాభాలకై మరొకరి జీవితాలకు స్వేఛ్చ లేక పోతున్నది -
వ్యవస్థను నిర్మాణం చేసిన వ్యక్తి రాత్రి వేళ హాయిగా నిదురపోతూ తెల్ల వారితేనే పరిశ్రమలో -
పరిశ్రమ తొలి నిర్మాణమున యజమాని రాత్రి వేళ శ్రమించిన నేడు ఎందరో కూలీలు రాత్రి వేళలోనే -
పరిశ్రమ లాభాలలో ఉన్నా రాత్రి వేళ పనిచేసే వారికి సరైన జీతభత్యములు ఇవ్వలేని స్థితి ఎందులకో -
కూలీలు విజ్ఞానం చెందడానికి సరైన సమయం లేక ఆరోగ్యం లేక కూలీలగానే పేదవారిలా ఏ ప్రగతి లేక -
విజ్ఞానం ఆరోగ్య సుఖాలను పెంచడానికే ఉండాలిగాని సమాజ జీవిత స్థితిని మార్చకూడదనే నా భావన -
ధనవంతులు రాత్రివేళ నిద్రిస్తూ చాలా వరకు పేదవారు రాత్రి వేళనే పనిచేస్తూ మానవ మేధస్సు అజ్ఞాన లోకంగా -
వెలుగు శ్రమను తెలిపినా చీకటి విశ్రాంతియే తెలుపునని నా మేధస్సున సత్యముగా విశ్వ భావనతో లిఖించారు -
పరిశ్రమలో రాత్రివేళ పనిచేపిస్తూ ఆరోగ్యమునకై ఫలములు పోషక పదార్థాలను ఆహారంగా తీసుకోమని సూచనలిస్తే ఎలా -
సరైన నిద్ర లేక జీతములు లేక సమయం లేక పనిచేస్తుంటే ధనవంతుడి విజ్ఞానం పేద వాడికి అజ్ఞానంగా కనిపిస్తూనే ఉంది -
జన సంఖ్య తగ్గే వరకు సమాజంలోనే కాక దేశ విదేశాలలో ఇలాంటి పరిస్థితులు ఎన్నో ఎన్నెన్నో దిక్కు తోచని అజ్ఞాన వేధనలే -