ఎవరిని ఏమని తలిచేది ఎంతని ఎవరిని కొలిచేది

ఎవరిని ఏమని తలిచేది ఎంతని ఎవరిని కొలిచేది
ఎవరిని ఏమని వలచేది ఎంతని ఎవరిని మలిచేది

తెలియని భావం తెలిసిన స్వప్నం తెలియక సజీవం
తోచని రూపం తెలుపని వేదం తెలిపేదే సహృదయం  || ఎవరిని ||

ఎవరో మలచిన రూపం ఎవరికో తెలియని వర్ణం
ఎవరో వలచిన భావం ఎవరికో తెలిసిన సువర్ణం

ఎవరో తలచిన దేహం ఎవరికో తెలపని సుగంధం
ఎవరికి ఎవరో ఏమని తపించిన తెలియదు బంధం  || ఎవరిని ||

ఎవరిదో రూపం ఎవరిదో బంధం ఎవరికి ఎవరో అనుబంధం
ఎవరిదో స్వప్నం ఎవరిదో భావం ఎవరికి ఎవరో అనుస్వారం

ఏమని కోరిన ఎంతని ఓర్చిన ఏదని కలగదే అనుపథం
ఏమని వాల్చిన ఎంతని వేచిన లేదని అలగదే అనురాగం  || ఎవరిని ||