నా భావాలు విశ్వమంతా ప్రయాణించుటకు ఎంత కాలం పట్టునో

నా భావాలు విశ్వమంతా ప్రయాణించుటకు ఎంత కాలం పట్టునో
ఏనాడు ఎవరు నా భావాలతో మాటలుగా కబుర్లు చెప్పుకుందురో
హృదయమే మధురమై మేధస్సే విజ్ఞానమయ్యే వేళ ఎప్పటికో
ఎందరిలో నిలిచిన భావాలు విశ్వమున సాగించు క్షణాలు ఏవో
ఒకరి పలుకులతో వినిపించే భావాలు నన్ను ఎలా చేరేదెప్పుడో
నా భావాలు సర్వ జనులకు జ్ఞానమై తెలిసే ప్రచారణ ఏనాటికో
ప్రకటన లేని విధమే భావాలుగా అందరికి అందేది ఎప్పుడో
విశ్వముకే నా భావాలు చేరి పోయేనని ఆకాశమే నేడు తెలిపేను
ప్రతి రోజు నాలోని భావాలను మేఘ వర్ణాలతో విశ్వానికి ఆకాశమే చూపేను
కాల చరిత్రలోనే నా భావాలు నిక్షిప్తమై ఛాయా చిత్రమయ్యేనులే