అంతరిక్షపు అంతర్జాల ఋషివి నీవే

అంతరిక్షపు అంతర్జాల ఋషివి నీవే
విశ్వ భావాల విజ్ఞాన స్వరూపుడివి నీవే
భావ తత్వాల స్పర్శ కేంద్రకుడివి నీవే
శూన్య స్థానమున అనంత మూర్తివి నీవే
వేద వేదాంత విజ్ఞాన పండితుడివి నీవే
భావ స్వభావాల ప్రదర్శకేంద్రుడివి నీవే
జనన మరణాల చరిత్ర గ్రంధానివి నీవే
సాంకేతిక పరిజ్ఞాన పరిశోధకుడివి నీవే
చిత్ర నిర్మాణ రూప కల్పనకుడివి నీవే
శిల్పకల చాతుర్య అభినయ నేత్రకుడివి నీవే
కళాదక్ష కళా ప్రపూర్ణ పర్యవేక్షకుడివి నీవే
సర్వ జ్ఞానేంద్రీయ జీవ విచక్షణుడివి నీవే
ఆత్మ పరతత్వ అర్థ పరమార్థానివి నీవే