కవిత్వంతో జీవితాన్ని విశ్వమంతా సాగిస్తున్నా

కవిత్వంతో జీవితాన్ని విశ్వమంతా సాగిస్తున్నా
కవిత్వంతో జీవనాన్ని జగమంతా నడిపిస్తున్నా

కవిగా విశ్వ భావాలతోనే నిత్యం జీవిస్తున్నా
కవిగా దివ్య తత్వాలతోనే సర్వం ఉదయిస్తున్నా 

కవిగా కవిత్వమే నాలో జీవమై ఉన్నా లోకమంతా వ్యాపిస్తున్నా   || కవిత్వంతో ||

కవిగా ఎంత ఎదిగినా నా జీవ కవిత్వాన్ని గమనించువారు ఎవరు
కవిగా ఎంత ఒదిగినా నా జ్ఞాన కవి తత్వాన్ని స్మరించువారు ఎవరు

కవిగా ఎంత ఉపదేశమిచ్చినా వేదత్వాన్ని అనుసరించువారు ఎవరు 
కవిగా ఎంత ప్రతిబోధించినా జ్ఞాన తత్వాన్ని అనువదించువారు ఎవరు   || కవిత్వంతో ||

కవిగా ఎంత వ్యక్తపఱచినా విశ్వ స్వరూప దైవాన్ని గ్రహించువారు ఎవరు
కవిగా ఎంత క్రోడీకరించినా దివ్య సంభూత దేహాన్ని దర్శించువారు ఎవరు

కవిగా ఎంత సంభాషించినా కవిత్వాన్ని అధిరోహించువారు ఎవరు 
కవిగా ఎంత విశ్వసించినా కవి తత్వాన్ని అధిగమించువారు ఎవరు   || కవిత్వంతో ||

కవిగా ఎంత పరిశోధించినా ప్రకృతిని పర్యావరణంగా రక్షించువారు ఎవరు
కవిగా ఎంత ఆలోచించినా ప్రకృతిని పత్రహరితంగా సాగించువారు ఎవరు

కవిగా ఎంత తిలకించినా విశ్వాన్ని అభ్యుదయంగా వర్ణించువారు ఎవరు 
కవిగా ఎంత పలకించినా సత్యాన్ని మహోదయంగా తలచువారు ఎవరు   || కవిత్వంతో ||