ఏది నీ వచనం ఏది నీ గమనం

ఏది నీ వచనం ఏది నీ గమనం
ఆలోచనలోనే ఉన్నది నీ గమకం
ధ్యాసతోనే సాగుతున్నది నీ గమ్యం  || ఏది ||

విజ్ఞానంతో సాగే నీ వచనం గమనమైతే
అనుభవంతో సాగే గమనం గమకమైతే
కాలంతో సాగిపోయే గమ్యం నీకు గళం అగును

ప్రతి సమయం నీకు ఒక నిర్వచనమై
ప్రతి క్షణం నీలో ఓ జ్ఞాపకాల నిరీక్షణమై
ప్రత్యక్ష కాలం నీకు నిర్వేదమగునులే       || ఏది ||

వచనంతో వదనం మహా భాగ్యమైతే
వదనంతో వాలకం గొప్ప తత్వమైతే
విలాపం వలసపోయే దివ్యత్వం వచ్చేనులే

భావాలతో బంధం నీకు సమీపపై
సంబంధాలతో అనురాగం నీతో చేరువై
అనుబంధాలతో ఆప్యాయత నీ చెంత చేరునులే   || ఏది ||