మన మేధస్సులో ఆలోచనలు ఎన్నో ప్రయోగాలు చేస్తుంటాయి
కొన్ని ప్రయోగాలు పూర్తయితే విజ్ఞానంగా మనకు తెలుస్తాయి
పూర్తికాని ప్రయోగాలు అలాగే అజ్ఞానంగా మేధస్సులోనే ఉండిపోతాయి
కొన్ని ప్రయోగాలను వివిధ కార్యాలతో మనం చేస్తూ విజ్ఞానం చెందుతాం
కొన్ని ప్రయోగాలు చేస్తున్నా ఫలితాలు లేక మధ్యలో అలాగే ఆగిపోతాయి
మధ్యలో ఆగిన ప్రయోగాలన్నీ మేధస్సులోనే అజ్ఞానంగా ఉండిపోతాయి
కొన్ని ప్రయోగాలను చేయడానికి వీలు ఉండదు అలాగే సదుపాయాలు ఉండవు
సరికాని ఆలోచనల ఉపాయాలతో ప్రయోగాలు ఫలించకపోతాయి
సరైన ఆలోచన ఉపాయాలున్నా కొన్ని ప్రయోగాలను చేయలేకపోతాం
కొన్ని ప్రయోగాలను మొదలు పెడితేనే మధ్యలో మరి కొన్ని ఉపాయాలు తెలుస్తాయి
ఎన్ని ప్రయోగాలు చేస్తే అంత విజ్ఞానంగా మేధస్సు ఎదుగుతుంది
కొన్ని ఆలోచనలు నిద్రలో ఎన్నో ప్రయోగాలను చేస్తూ ఉంటాయి
ఆలోచన విజ్ఞానం ఎవరికి ఎలా ఉంటె ప్రయోగాలు అలా సాగుతూ పోతాయి
ప్రతి కార్యం ఒక ప్రయోగంలా మన మేధస్సులో ఆలోచనలు చేస్తుంటాయి
ఆనాడు మరణించిన వారిలో ఎన్ని ప్రయోగాలు ఎలాంటివి ఎలా ఆగిపోయాయో
ఆగిన ప్రయోగాలన్నీ నిర్వర్తించి ఉంటే ఎలాంటి అద్భుతాలు ఏనాడో జరిగేవేమో
ఎవరి మేధస్సులో ఎలాంటి ప్రయోగాలు అలాగే చేయక ఉండిపోయాయో తెలియలేదే
ఆనాడు ఆగిన ప్రయోగాలను మరల ఇంకొకరి మేధస్సులో పని చేసేలా నే కలిగిస్తాను
పూర్వం నుండి నేటి ఆధునిక సాంకేతిక విజ్ఞానం మేధస్సులోని ఆలోచనల ప్రయోగ కార్యాలే
No comments:
Post a Comment