మనోజ్ఞ భరితమా

మనోజ్ఞ భరితమా
అభిజ్ఞ చరితమా

సుజ్ఞాన వచనమా
ప్రజ్ఞాన చరణమా

విజ్ఞాన వేదనమా
జిజ్ఞాస చలనమా

జ్ఞాన మంజీర వేదాంత పఠనమా
జ్ఞాన సంజీవ ఆద్యంత బోధనమా

సర్వ విధ హిత జ్ఞాన మధుర మహాన్విత మకుటమా  || మనోజ్ఞ ||

జీవించుటలో నీ జ్ఞానం అమర వేదాంతం
ధ్యానించుటలో నీ జ్ఞానం అఖిల వైభోగం

గమనించుటలో నీ జ్ఞానం మధుర వైవిధ్యం
స్మరించుటలో నీ జ్ఞానం మాణిక్య విశేషణం

పఠించుటలో నీ జ్ఞానం ప్రభాత ప్రసిద్ధం
ధ్వనించుటలో నీ జ్ఞానం ప్రణామ ప్రముఖం  || మనోజ్ఞ ||

సంభాషించుటలో నీ జ్ఞానం చతుర చాతుర్యం
విశదీకరించుటలో నీ జ్ఞానం ప్రవీణ ప్రఖ్యాతం

అభ్యసించుటలో నీ జ్ఞానం అనంత ఆశయం
అధ్యాయించుటలో నీ జ్ఞానం అపార ఆదేశం

తిలకించుటలో నీ జ్ఞానం త్రిగుణ తపనం
పూరించుటలో నీ జ్ఞానం సుగుణ సఫలం   || మనోజ్ఞ ||