గమనించు నా జీవితం

గమనించు నా జీవితం
సవరించు నా జీవనం

సంబోధించు నీ విజ్ఞానం
సంభాషించు నీ వేదాంతం

నన్ను అధిరోహించేందుకు ఆశ్రయించగలవా నీ సమయంతో  || గమనించు ||

నిశ్చలమై ఉన్నదే నా రూపం
ప్రక్షాళనమై ఉన్నదే నా భావం 

అధ్యాయమై ఉన్నదే నా జ్ఞానం
ఆద్యంతమై ఉన్నదే నా వేదం

ప్రభాతమై ఉన్నదే నా తత్వం
ప్రభూతమై ఉన్నదే నా తపం   || గమనించు ||

నిర్ణీతమై ఉన్నదే నా జీవితం
నిస్స్వార్థమై ఉన్నదే నా జీవనం

సత్యమై ఉన్నదే నా అనుభవం
నిత్యమై ఉన్నదే నా అనుబంధం

సర్వమై ఉన్నదే నా నియమం
శాంతమై ఉన్నదే నా నిర్ణయం   || గమనించు ||