ప్రతి జీవి మేధస్సు ఓ విశ్వ లోకముగా

ప్రతి జీవి మేధస్సు ఓ విశ్వ లోకముగా జన్మించినప్పటి నుండి ఎదుగుతుంది
ఎప్పుడైతే స్వతహాగా జీవించగలదో ఇక ఆ లోకం ప్రయాణిస్తూనే ఉంటుంది
ఎక్కడైనా వెళ్ళగలదు ఏదైనా చేయగలదు అజ్ఞానం లేదా విజ్ఞానం కావచ్చు
తల్లిదండ్రులను వదిలిపోవచ్చు ఎలాంటి కొత్త జీవితాన్నైనా ప్రారంభించవచ్చు
ప్రపంచములో ఎక్కడికైనా వెళ్లి ఎలాగైనా ఎవరితోనైనా జీవిస్తూ ఎదగవచ్చు
ఒక్క సారి మరణిస్తే ఆ చిన్న విశ్వ లోకం జగతిలో శూన్యమై పోతుంది
శూన్యమయ్యే విశ్వ మేధస్సు లోకాలు మహా విశ్వమున అజ్ఞాన లోకమైతే
ఎన్నో లోకాలన్నీ అజ్ఞానమై మహా విశ్వమంతా అజ్ఞానంతో గడిచిపోతుంది
నీ మేధస్సు లోకాన్ని మహా విశ్వ లోకానికి విజ్ఞానం అందిచేలా ఆలోచించాలి